د افغان ځواکونو ملي ورځ او د ولسونو ملاتړ

عبدالمنان توحیدیار

0 791

افغانستان کې د کب نهمه یوه داسې ورځ ده چې په دې ورځ باندې دښمن اور بلیږي چې ولې ولسونه د افغان ځواکونو په ملاتړ راوځي او ولې یې له خپلو ځواکونو څخه د ملاتړ شعارونه ورکوي.

تاسو به نن ورځ خواله رسنۍ تعقیب کړي وي چې حتا هغو سیمو کې د افغان امنیتي او دفاعي ځواکونو ورځ نمانځل شوې چې طالبان پکې هم فعالیت کوي او خلک په یو او بل نوم باندې ګواښي.

زیات شمېر افغانانو د فیسبوک پروفایل عکس باندې د افغان ځواکونو عکسونه نښلولي او په دې تړاو یې بیلابیلې جملې لیکلي دي.

دښمن په دې ورځ فیسبوک کې بيخي ورک دی او هیڅ ډول باندې نه شي کولی چې دا ورځ په کاذبو تبلیغاتو باندې تر سیوري لاندې راولي.

هر ولایت او هره ولسوالۍ کې په دې تړاو شانداره غونډې شوي او پکې د افغان ځواکونو د قربانیو ستاینه شوې ده.

دیني علماوو خبرې کړي او ولسونه یې تشویق کړي چې د خپلو ځواکونو تر شا ودریږي، ځکه سرتیري یې مقدسه دنده کې دي.

زموږ سرتیري د دې وطن د دفاع لپاره جګړه کوي، د خلکو د ناموس ساتلو لپاره سنګر کې دي او هره ورځ او شپه د دې لپآره بیداره تیروي چې ولسونه یې ارامه ژوند وکړي.

د کب نهمه د افغان امنیتي او دفاعي ځواکونو ملي ورځ د همدې لپاره نمانځل کیږي چې د خپلو سرتیرو د قربانیو یادوونه وشي او د هڅو، میړانو او سرښندنو یاوونه یې وشي.

زموږ سرتیري اوس تر بل هر وخت د خلکو زړونه کې ځای نیولی او تر بل هر وخت زیات مسلکي او دندې ته ژمن دي.

سرتیري د خلکو له منځه راپورته شوي او د خلکو او هېواد ساتنه کوي، د خلکو ملاتړ به د سرتیرو روحیه لا پياوړې کړي چې په دښمن باندې بریدګر اوسي.

زموږ سرتیري د خلکو د هوسا ژوند او د هېواد د ثبات لپاره جګړه کوي او علماء یې دا دنده مقدسه یادوي چې د مکار او فریبکاره دښمن پروړاندې جګړه کې دي.

دښمن چې اسلام د خپلو وحشتونو لپاره سپر کړی و، او سپر کړی دی، اوس زړه ورو علماوو طالبان چلنج کړي چې جګړه یې د پردیو د ګټو لپاره ده او هیڅ ډول اسلامي اړخ نه لري.

پخوا به خلک د طالبانو په کاذبو تبلیغاتو باندې تیروتل چې ګنې جګړه یې د اسلام له خاطره ده، خواوس مالومه شوه چې د طالبانو جګړه د واک او شخصي ګټو لپاره ده.

همدا لامل دی چې د هرې ورځې په تیریدو د افغان ځواکونو ملاتړ زیاتیږي او خلک لا ډيره مینه خپلو ځواکونو ته ورکوي.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply