د طالبانو خپلمنځي اختلافات له بل هر وخت زیات شوي

سیدعبدالله پاچا

0 632

طالبانو له امریکا سره په دوحه کې هوکړه کړې چې نور به هیڅ بهرني ترهګر ته پټنځای او صفونو کې ځای نه ورکوي.

دا د امریکا او نړیوالو شرط و او د طالبانو مجبوریت و چې له امریکا سره یې په هوکړه کې منلی دی.

جالبه دا چې ۲۰ کاله وړاندې طالبانو خپل ريژیم په همدې ړنګ کړ چې یو بهرنی ترهګر اسامه بن لادن یې امریکا ته نه سپاره.

د طالبانو د نظامي کمېسیون جنجال همدا دی چې که خبره د جهاد وي، خو بیا هر څوک کولی شي ، یانې هر مسلمان کولی شي، بل هېواد کې جګړه وکړي او مرسته وکړي.

که خبره د جهاد نه وي، نو بیا مو ولې شل کاله افغانان ووژل او افغانستان مو وران کړ.

طالبانو د دوحې تړون لومړیو کې خپل نظامي قومندانان په دې تیر ایستي و چې له امریکا سره یې هوکړه کې دا منلې چې بهرنیو ترهګرو ته ځای نه ورکوي، خو نور به پټ له دوی سره وي او کار دې ورسره نه لري.

اوس چې خبره واضح شوه او طالبانو اعلامیه خپره کړه چې له خپلو صفونو بهرني ترهګرو وباسئ، د طالبانو د نظامي کمېسیون له سخت غبرګون سره مخ شوې ده.

د بهرنیو ترهګرو په تړاو یو شمېر بهرني هېوادونه طالبانو ته مالي امکانات ورکوي چې دا کسان خپلو لیکو کې وساتي.

کله چې بهرني ترهګر د طالبانو له لیکو ویستل کیږي، ورسره سم ځینې مالي مرستې هم بندیږي چې نظامي طالبان حاضر نه دی، دا مرستې له لاسه ورکړی.

له همدې کبله اوس د کویټې شورا، دوحې پلاوي او نظامي کمېسیون سخت جنجالونه راپورته شوي دي.

نظامي کمېسیون کې تر ټولو زیات جنجال د حقاني شبکه کوي، دا شبکه د ای ایس ای مستقیم ملاتړ له ځآن سره لري او له سولې وروسته او د مذاکراتو په دوام کې د جګړې مسوولیت لري.

که څه هم تراوسه امریکا او نړیوال پر طالبانو نه دي ډاډه شوي چې بهرنیو ترهګرو سره یې اړیکې نه دي پرې کړي، خو طالبان هڅه کوي چې دا موضوع حل کړي.

طالبانو ته دا کار دومره اسانه نه دی، د شل کلنې جګړې مشروعیت ترسوال لاندې راځي او تر څنګ يې ډير مالي امکانات او کسان له لاسه ورکوي.

طالبانو سره همدا اوس په جګړه کې پاکستاني، عرب، چیچنیا، مرکزي اسیا هېوادونو جنګیالي شته دی چې هیڅکله نه غواړي له لاسه یې ورکړی.

خو طالبان خپلمنځي جنجالونو ته هم وارخطا دي چې څنګه کیدلی شي خپلو وسله والو ته قناعت ورکړي چې دا پریکړه یې د کوم مجبوریت له مخې کړې ده.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply