د ایران په ملاتړ د طالبانو نوې نظامي مرکزونه

نویداحمد څرک

0 829

تازه راپورونه دي چې طالبان د ایران په ملاتړ د هرات په پښتون زرغون ولسوالۍ کې یوه ستره نظامي قرارګاه جوړه کړي چې ایران به یې ملاتړ کوي او طالبان به یې بدل کې د ایران ګټې افغانستان کې خوندي کوي.

د راپورونو په اساس د ایران سپاه پاسدارانو له هغو طالبانو سره هوکړه کړې چې د ایران په خاوره کې یې کورونه او پټنځایونه دي او په همدې خاطر یې له ځینو ولایتونو څخه دې ولسوالۍ ته د درنو وسلو انتقال پيل کړی دی.

دا نظامي قرارګاه به د لویدیځو ولایتونو لپاره د طالبانو هسته یي مرکز وي چې ټولو ولایتونو ته به ترې د وسلو او وسله والو انتقالات کیږي.

د دې تر څنګ د ایران د قدس ځواکونو د هرات سرحدي ولسوالۍ ګلران کې د مقاومت په نوم د طالبانو په همکارۍ یوه ډله رامنځ ته کړې چې سرحدي سیمو کې به ایران ته د ورپيښو خطراتو مخنیوی کوي.

د مقاومت په نوم د طالبانو او ایران ګډه ډله به دغه راز زمینه برابروي چې له ایران څخه د طالب قومندانانو او د درنو وسلو د حمل و نقل اسانه او ساده ترسره شي.

ایران په دې وروستیو کې لویدیځو ولایتونو کې له طالبانو سره اړیکې پراخه کړي او همکاري یې ډيره کړې ده.

ایران له افغانستان څخه بیلابیلو برخو کې اندیښنې لري او طالبانو ورسره ژمنه کړې چې ټولو اندیښنو ته به یې ځواب وايي.

طالبان چې کرايي قاتلین هم ورته ویلی شو، د هر هغه چا لپاره کار کوي چې څوک ډيرې پيسې او وسلې ورکړي.

دا ډله په خپل هېواد کې هیڅ باندې ایساره نه ده او یواځې هغه څه ورته مشروعیت لري چې د دوی شخصي ګټې پکې خوندي وي.

د افغان امنیتي او دفاعي ځواکونو په دې ډله باندې نظر شته او هر ډول حرکات یې څارل کیږي چې په وخت یې مخه ونیسي.

افغانستان کې دا ښکاره ده چې جګړې بیروني هېوادونه تمویل کوي او په مستقیم او غیرې مستقیم ډول په کې دخیل دي.

نور هېوادونه په افغانستان کې له طالبانو د خپلو ملیشو کار اخلي او د دې لپاره طالب قومندانانو ته زیاتې وسلې او امکانات ورکوي.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply