طالبان لا هم د نجونو  د تعلیم پر وړاندې ستونزې جوړوي

نویداحمد څرک

0 490

طالبان چې خپل پنځه کلن حکومت کې یې د نجونو ټول ښوونځي تړلي و او هیڅ ډول اجازه نه وه چې ښځې زده کړې وکړي، اوس یې یو ځل بیا تر فعالیت لاندې سیمو کې د نجونو ښوونځیو ته خبرداری ورکړی دی.

طالبان که څه هم له تیرو کلونو جګړو وروسته امریکا او نړیوالې ټولنې ته ویلي چې دوی د ښځو د حقونو او په ځانګړي ډول د زده کړو پلویان دي، خو د طالبانو سخت دریځي وسله وال بیا نجونو ته د زده کړو اجازه نه ورکوي.

د طالبانو سیاسي کسان چې د اکثریت کورونه په نورو هېوادونو کې دي، اولادونه یې ښه ښوونځیو او پوهنتونونو کې زده کړې کوي.

د دوی لورګانې هم په مفشن لباس کې لوڅ سر پرته له ټیکري پوهنتون ته ځي، خو په افغانستان کې یې د شرعیت تر بیرغ لاندې د ښځو هر ډول فعالیت بند کړی او حتی د زده کړو اجازه نه ورکوي.

تاسو به د طالب مشرانو په ځانګړي ډول د عباس ستانکزي لورګانې لیدلي وي چې اماراتو کې پرمختللي پوهنتونونو کې زده کړې کوي او هر ډول ازادي لري، خو په افغانستان کې نجونې چې کلتوري ارزښتونه په پام کې نیسي او زده کړې کوي، اجازه نه ورکوي چې نجونې زده کړې وکړي.

تازه تخار ولایت ځینو سیمو کې طالب وسله والو نجونو ته خبرداری ورکړی چې له اووم ټولګې پورته ټولګیو ته دې نجونې د زده کړو لپاره نه ځي.

تر اووم ټولګي پورې یواځې نجونې کولی شي لیک او لوست زده کړي، اصلي زده کړې له اووم ټولګي پورته دي، خو طالبان اجازه نه ورکوی چې نجونې له اووم ټولګي پورته نورې زده کړې وکړي.

دا پریکړه په ښکاره د سیاسي او جنګي طالبانو ترمنځ لوی توپير ښکاره کوي چې سیاسي طالبان یې د نجونو ښوونځیو باندې هیڅ اعتراض نه لري، خو جنګی طالبان یې بیا په ښکاره د نجونو د زده کړو مخه نیسي.

طالبانو ته هم ښکاره ده چې د نجونو زده کړو باندې حتی اسلام کې هم بندیز نشته، خو دا کار د دې لپاره کوي چې نه غواړي افغان نجونې دې د زده کړو په ګاڼه سمبال شي او یو باسواده مور دې یو باسواده اولاد وروزي.

طالب د دې ټولنې لپاره ناسور جوړ شوی او تر څو چې دا ناسو وي دا ټولنې به له ډول ډول کړاوونو سره مخ وي.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply