طالبانو خپلو وسله والو ته د لا زیاتو وینې تویدنې امر کړی

نویداحمد څرک

0 427

هسې هم له کومې ورځې چې طالبانو له امریکا سره هوکړه کړې چې تاوتریخوالی به کموي، طالبانو په دې ژمنه عمل نه دی کړی او همدا لامل دی چې طالبان د دوحې په تړون کې په سرغړونو تورن دي.

طالبانو یو څه باندې چې عمل کړی، هغه پر بهرنیو ځواکونو نه بریدونه دي او د دې لامل دا دی چې بهرني ځواکونه اوس له خپلو مرکزونو بیرون نه ګرځي چې طالبان پرې په برید کولو باندې وتوانیږي.

اوس تازه طالبانو خپلو وسله والو ته امر کړی چې وحشتونه او وینه تویدنه زیاته کړي او دې جګړې او تاوتریخوالي ته یې د دفاع نوم ورکړی دی.

طالبانو کلونه جګړه د اشغال ترنامه لاندې وکړه، لسګونه زره کسان یې قرباني کړل چې ګټه یې ایران، پاکستان او مسکو یوړه، خو اوس چې بهرني ځواکونه وتلي او لږه شميره یې پاتې دي، طالبانو جګړې ته د دفاع کلمه وکاروله.

په داسې حال کې چې افغانان ملي امنیتي او دفاعي ځواکونه لري چې د خلکو د مال، ځان او ناموس ساتنه کوي.

همدا دفاعي ځواکونه ده چې د ترهګرو پروړاندې جګړه کوي او د پنجاب لښکرو ته فرصت نه ورکوي چې کومه سیمه ونیسي او یا واکمني وکړي.

طالبانو ته کلونه افغان حکومت وړاندیزونه کوي چې اوربند وکړي، خو طالب له خپل عادت مجبور دی او تاوتریخوالی یې دوامداره ساتلی دي.

افغان ځواکونه د دوحې له تړون وروسته دفاعي حالت کې دي، خو طالبان دي چې هره سیمه کې پوستو او مرکزونو باندې بریدونه کوي، بیا دې وضعیت ته د دفاع نوم ورکوي او تاوتریخوالی یې نه بولي.

دا چې طالبانو تازه د جګړې د شدت اعلان وکړ، ښکاره ده او ټولو ته مالومه ده چې طالبانو کله جګړه درولې وه، د طالبانو چې هر څومره په توان پوره و، هغومره کار یې کړی دی او وینه یې توی کړې ده.

اوس افغانانو ته پکار دي چې د طالبانو پروړاندې صفونو کې له افغان ځواکونو سره ودریږي او دې وحشیانو ته اجازه ور نه کړي چې د افغانانو لا ډيره وینه توی کړي او لا ډیر تاسیسات ړنګ کړي.

له طالب هسې هم بله تمه نه شي کیدلی، طالب په جګړه عادت دی، بل کوم کمال یې زده نه دی، له همدې درکه ځان او کورنۍ ته نفقه پيدا کوي او په دې اعمالو سره هره ورځ لسګونه کورونه ړنګوي.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply