درزاب کې د طالبانو ظلم

نوید احمد څرک

0 543

د جوزجان په درزاب ولسوالۍ کې طالبانو ته منسوب وسله والو څه میاشتې وړاندې یوه پيغله نجلۍ تښتولې او له جنسي تیریو وروسته یې هغه وژلې ده.

د دې پېښې په غبرګون کې ځایي خلکو د جوزجان مرکز او درزاب لویه لار د مسافرو پروړاندې تړلې وه او مرګ پر طالبانو شعارونه یې ورکول.

دا خلک د انصاف غوښتنه کوي چې څنګه یې له سیمې پيغله نجلۍ تښتول کیږي، بیا پرې جنسي تیری کیږي او بیا وژل کیږي.

طالبانو کې اخلاقي فساد ډير لوړ حد ته رسیدلی دی، له هلکانو رانیولې بیا تر نجونو او ښځو پورې سیمو کې جنسي تیري کوي او که چا ورسره زور وغږو ، بیا یې همغه ساعت وژني.

دا نه لومړنۍ پيښه ده او نه به وروستۍ پيښه وي چې طالبان په نجونو جنسي تیري کوي، بلکې زرګونه داسې قضيي شته چې له شواهدو او ثبتونو سره ښيي چې طالبان په سخت بد اخلاقي فساد ککړ دي.

طالبان ځینې سیمو کې ان له خلکو په زوره لورګانې ودوي او که یې ور نه کړي، بیا یې په مرګ ګواښي.

له همدې کبله هغه کسان چې د طالبانو تر فعالیت لاندې سیمو څخه بیرون یې ګوزاره کیږي، خپلې سیمې یې پريښې او امن ځای ته یې پنا وړې ده.

اوس د جوزجان د خلکو د ارامښت لپاره د ولایت یوه کمیټه له خلکو سره کار کوي چې قناعت ورکړي او تظاهرات پای ته ورسوي.

طالبانو ته خپل کسان مالوم دي چې ظلمونه کوي، خو څه ورته ځکه نه وایي چې بیا ورسره د جګړې لیکو ته نه ځي.

طالبانو ځینو قومندانانو او وسله والو ته اجازه ورکړې چې د خپل ځان خوشحاله کولو لپاره سیمو کې ځینې کارونه وکړي، بیا پرې دوی پرده اچوي.

دا هر څه د دې لپاره کوي چې ځینې بد مسته ځوانان د دوی لیکو ته جذب شي چې د دوی لپاره جګړې وکړي، که یې د چا ناموس لوټ کړ، طالبانو ته یې هیڅ پروا نه ورځي.

طالبان د دې ټولنې لپاره سرطان دی او تر هغې چې یا د دې سرطان درملنه نه وي شوي، افغانان به ورسره په عذاب اخته وي.

طالب چې د چا په قتل او ژوند را ایسار نه دی نو بیا به د یو چا د ناموس د څه خیال وساتې.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply