طالبانو په جګړه کې جګړه اعلان کړه

سیدعبدالله پاچا

0 409

طالبانو اعلامیه مې ولوسته چې خپلو نظامي مسوولینو ته یې د سخت غبرګون لارښوونه کړې وه، یانې هدف دا دی چې هر څه چې د طالب وسله والو په توان پوره وي، بریدونه دې وکړي، جګړه دې توده کړي او زیاتې وینې دې توی کړی.

طالبانو هسې هم کلونه د خلکو وینې توی کړې او داسې ورځ نشته چې د یو چا وینه به یې نه وي توی کړي.

طالبان یواځې افغان ځواکونو او افغانانو باندې بریدونه نه کوي، یواځې دا خلک نه قرباني کیږي، بلکې جګړه کې طالبان هم وژل کیږي او د مالوماتو له مخې هره ورځ شاوخوا سل کسانو ته مرګ ژوبله اوړي.

ټول افغانان دي خو د پردیو ګټو لپاره چې امتیازات او امکانات یې د طالبانو مشران ورکوي، جګړه توده ده او هیڅ کموالی پکې نه دی راغلی.

که څه هم طالبانو نړیوالو سره ژمنه کړې وه چې بریدونو او جګړه کې به کموالی راولي، خو تیر یو کال کې موږ ولیدل چې هیڅ داسې ورځ را نه غله چې طالبانو دې د چا وینه نه وي توی کړي.

یواځې دومره توپير و چې طالبانو د جګړې او بریدونو مسوولیت نه منه او لامل یې دا و چې د نړیوالو په خوله کې و نه غورځیږي.

نور خو چاودنې، هدفي وژنې، جګړې او پر ملکي وګړو د هاوان بریدونه ټول طالبانو کول، اوس چې طالبانو د جګړو اعلان وکړ، د ورته بریدونو مسوولیت به په ډير ویاړ سره اخلي.

طالب د جګړې یوه پروژه او کرایي قاتلین دي، پرته له جګړې دا ډله هیڅ هم نه ده، هیڅوک به یې پوښتنه هم و نه کړي.

دا نن چې طالبان په نړیوالو سټیجونو راښکاره کیږي، د دې لامل دا دی چې دوی وینه تویوي، وحشت کوي او نړۍ ورته جرګه کیږي، تاسو نور له افغان وژنې لاس واخلئ.

دا به د نړۍ او په ځانګړي ډول د افغانانو مجبوریت وي چې طالبانو ته حکومت کې برخه ورکړي، خو چې له وینې تویدو راوګرځي.

کنه طالب چې وسله کیږدي، هیڅ هم نه دی، نه یې کوم کمال زده دی او نه د کومې ادارې مشري کولی شي.

طالبان د اسلام تر نامه لاندې د افغانانو وینه توی کوي او اصل کې جګړه واک ته د رسیدو لپاره کوي او غواړي له دې لارې ځان واک ته ورسوي.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply