ایا امریکا به سیمه کې خطرونو ته افغانستان پریږدي

سیدعبدالله پاچا

0 407

له افغانستان څخه د بهرنیو ځواکونو له وتلو سره یو ځای ځینې اندیښنې لري چې افغانستان کې به یو ځل بیا د نویمو کلونو وضعیت حاکم شي ، نظام به ړنګ شي او هر څوک به له خپلو امکاناتو سره خپلو سیمو کې حاکم وي.

خو دا خلکو د همغو نویمو کلونو کې خلک دي او په دې خبر نه دي چې هغه وخت هیڅ سیستم نه و، پولیس نه و، اردو نه وه، حاکمیت نه و، اداره او کابینه نه وه، بیداره ولس نه و.

اوس هر څه شته، اوس بیداره ولسونه لرو، افغان امنیتي او دفاعي ځواکونو په داسې وضعیت کې لرو چې سیمه کې یې ساری نه لیدل کیږي.

له دې ټولو سره سره بیا هم افغانستان ضرورت لري چې د سیمې او نړۍ هېوادونو سره ښې اړیکې ولري او له همدې اړیکو څخه دوه اړخیزه ګټنه باندې افغانستان له بحرانونو وباسي او راتلونکی یې وځلوي.

دا چې امریکا او ناټو غړو هېوادونو ځواکونه له افغانستان وځی، دا د افغانستان لپاره په تاوان نه بلکې په ګټه دی، یو دا چې افغانستان کې همدې ۲۵۰۰ ځواکونو د جګړې د دوام پلمه طالبانو ته ورکړې، که دوی له افغانستان ووځي، نو طالب د جګړې لپاره هیڅ اسلامي توجیه نه شي لټولی.

بله دا چې تر څو به بهرني ځواکونه افغانستان کې وي او هر کله به په لړزاند باندې وي چې نن بهرني ځواکونه له افغانستان وځي او سبا وځي، نو ښه دا ده چې بهرني ځواکونه ووځي او دوه اړخیزه قراردادونه او همکاري دوام وکړي.

خو اوس د پردې تر شا بله خبره شته چې امریکا په سیمه کې له طالبانو یو تضمین اخیستی دی چې د دوی ګټو ته به خطر نه وي او نه به امریکا باندې له افغانستان څخه کوم برید پلان کیږي.

دا چې امریکا څنګه تضمین اخیستی، خو یو څه اوس واضح شوي چې طالبانو امریکا سره منلې چې یو شمير پوځیان دې د ځینو احتمالي خطرونو لپاره پریږدي چې د بهرنیو ترهګرو پرضد مبارزه وکړي، له دې موضوع جنګي طالبان خبر نه دي، خو سیاسي طالبان له امریکا سره توافق کړی دي

له همدې کبله ویل کیږي چې امریکایي ځواکونو حضور به افغانستان کې د احتمالي خطرونو د مخنیوي لپاره وي .

امریکا په سیمه کې له چین، روسیه او ایران ډيره ویره لري او همدې خطرونو ته په کتلو باندې هیڅ باور نه کیږي چې امریکا دې په بشپړه توګه افغانستان پریږدي.

امریکا په هیڅ صورت حاضر نه ده چې افغانستان پریږدي، خو دا ماموریت به یې مخفي وي او د دې لپاره چې جنګي طالبان پر سیاسي طالبانو باندې راپورته نه شي، سیاسي طالبانو له امریکا سره پټ توافق کړی دي.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply