ټول هغه څه چې په ملت پورې اړه ولري ملي

254
ټول هغه څه چې په ملت پورې اړه ولري ملي شتمني بلل شي
ادب او ددې لارې پیاوړي لیکوالان د سیاسي مبارزینو په حیث په ملي مترقي تحریکونو کې ځانګړی رول لري، یو ریښتونی مترقي قام پرست لیکوال تل د “خپلې خاورې خپل اختیار ” نعره پورته کوي او د قامي خپلواکۍ نظریه وړاندې کوي.
ډاکتر صاحب لیاقت تابان په دې وروستي چاپ سوي کوچني کتاب (د سیاست، معیشت، ادب تړاو او د پښتنو شتمتۍ) کې په دې توانېدلی دی چې د افغان انسان د اوسني ویرجن حالت اصلي لامل په تفصیلي توګه سره بیان کړای شي او هم یې د حل لارې زموږ مخې ته کېږدي.
د سیاست، اقتصاد او ادب په تړاو تابان په ډېره لنډه توګه چې کوم واضحت ورکړی دا په کوزه کې د سیند بندول دي او تر ټولو بنیادي خبره “د پښتنو شتمنۍ” چې ددې کتاب برخه ده، هغه له پامه غورځول سوې موضوع رامخ ته کوي چې له کالونو راهیسې د افغان انسان د بدبختۍ اصلي لامل او سرچینه ګرځېدلي ده.
ټول هغه څه چې په ملت پورې اړه ولري ملي شتمني بلل شي. پښتون قام په لوی افغانستان کې د وګړو داسي یوه عظیمه کتله ده چې د ډیورنډ جبري کرښې دواړو غاړو ته ګډه ژبه، ګډ کلتور، ګډ تاریخ او مشترک مذهب لري او ددې لوی ملت درد، غم او خوښۍ تل سره تړلې دي، همدارنګه د دوی شتمنۍ هم یو لوی تاریخ او مشترکه نقطه لري چې د پښتنو ملي شتمنۍ ورته ویلی شو.
کله چې موږ د ملي شتمنیو یادونه کوو نو باید وپوهیږو چې ملي شتمنۍ یانې څه؟  هر هغه مال او ملکیت چې په ملي کچه ور څخه ګټه اخیستل کېږي او په بیت المال پورې تړلی وي ملي شتمنۍ بلل کېږي.
په افغانستان کې د څلوېښتو کالو راهیسې د روان جنګ سرچینه د همدې سیمې ملي شتمنۍ ده چې د لوټلو، ویجاړولو او له منځه وړلو لپاره یې دوامداره هڅې وشوې، کېږي او دا به تر هغه روانې وي چې ترڅو موږ د خپلې خاورې د ساتنې او پالنې لپاره متحد سوي نه یوو، زموږ شتمنۍ او په هغه باندې اختیار ترلاسه کول سیاسي او قامي شعور ته اړتیا لري او  په تاریخي لحاظ د ملي شعور را بیدارېدل د ملت د جوړېدلو په لاره کې لومړنی شرط دی.
د ملي شتمنيو د پېژندې او له هغو څخه د ګټې اخیستې لپاره د ډاکتر لیاقت تابان دا کتاب ډېر ګټور او له هر اړخه پوره دی او دا له موږ سره مرسته کوي چې د خپلو ملي شتمنیو د پېژندې او ګټې اخیستنې سربېره د پښتانه لوی قام په فکري او سیاسي بیداري کې مهم رول ولوبوي.
په درنښت
مقتصد

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.