په افغانستان د پاکستان د بد اقتصاد اغېز

لیکنه: عبدالجبار وحدت

227

په افغانستان باندې د پاکستان د بد اقتصادي وضعیت اغېز او حل لارې یې

په اقتصادي لحاظ د هیوادونو وارداتي اتکا نهایت زیات زیان کوي، دا ځکه چې د یوه هېواد د اقتصادي وضعیت له خرابېدو سره مستقیما بل هېواد زیانمن کېږي. له بده مرغه چې موږ په دا وروستیو کې په اقتصادي لحاظ په پاکستان نهایت زیات متکي شوي وو او عملا یې وینو چې پاکستان په اقتصادي لحاظ یو ډېر خراب طرف ته روان دی، هلته انفلاسیون نهایت زیات شوي دی، inflation Rate یې په بې سارې ډول پورته تللی دی، نو تاسې فکر وکړئ چې د پاکستان اجناس چې د ترانسپورت او ګمرک له ټولیزو لګښتونو سره به دلته په افغانستان کې څومره په لوړ قېمت تمام شي، موضوع واضح ده، څو چنده به لوړ تمام شي.

له بلې خوا  دلته یو ډېر بد اقتصادي وضعیت شتون لري، چې په اقتصادي ټرمینالوژي کې (Stagflation) ورته وایي چې هم انفلاسیون دی (مانا قېمتونه لوړ دي ) او ورسره په څنګ کې بېکاري په خپل اوج کې ده ، چې د دواړو وضعیتونو ټولیز فشار په اولس دی او د هېواد ملي اقتصاد د سخت بحران طرف ته بیایي، هدف مې دا نه ده چې پاکستان اقتصاد ډېر مهم معرفي کړو او یا يې د افغانانو لپاره برخلیک ټاکونکی وبولو ، هدف مې دا دی چې موږ څرنګه د وابستګي او فقر دا منحوسه دایره ماته کړو. څرنګه په ځان بسیا شو او څرنګه هېوادوال وژغورو، دلته باید ډېرې دقیقې او هر اړخېزې اقتصادي پالیسي او ستراتیژۍ تدوین شي، نو په کار دا ده چې موږ دا لاندې کارونه وکړو او دا چارې زموږ ستونزه په نسبي ډول او یا په لوړه کچه حلولی شي:

  1. د بهرنۍ سوداګري پیاوړی او هر اړخيز  سیاست جوړول او پلي کول
  2. د داخلي محصولاتو څخه د ملاتړ سیاست
  3. د بهرنۍ سوداګري د ودې په پار د نویو صنایعو جوړېدل
  4. . صادراتو تشویقي/هڅوونکی سیاست
  5. د وراداتو عوضي سیاست
  6. تصدیو ته د زیان د جبران په پار د سبسایډیو ورکړه
  7. د کالیو د ځینو برخو د قېمتونو د تضمین لپاره د سبسایډیو ورکړه
  8. نویو جوړو شویو صنابعو څخه د ملاتړ په پار د سبسایډیو ورکړه
  9. کرنیزې سبسایډۍ
  10. د اسعارو نرخ او د داخلي تولیداتو څخه د ملاتړ سیستونه
  11. د سیمې له نورو هیوادونو سره د سوداګریزو او سیاسي اړیکې له سره پیلول
  12. د سیمې له هیوادونو سره تجارتي هوکړه لیکونه لاسلیکول
  13. د احتکار مخنیوی او د بازار جدي کنټرول
  14. د هیواد په ګرمو ولایتونو کې یخې او په نهایي یخو ولایتونو کې معتدلې هوا خونې جوړول او حبوبات د ذخېري په ډول ساتل
  15. د صنعت سکتور ته نهایت زیات کار کول
  16. د لبنیاتو لکه پنیز ، ملایي، کوچ او همدارنګه، چرګان، همدارنګه حبوباتو، لکه غلې، دانې یا په ټوله کې د غذایي موادو په برخه کې د ځان بسیاینې یا اقتصادي ټیکاو لپاره باید جدي کار وشي
  17. د دې په پار چې بحث اوږد نه شي او لوستونکې ستړې نه شي، ما مسائیل لنډ ولیکل، ګنې په دې هره برخه کې یو عالم خبرې دي، چې باید ولیکل شي.کله کله سړی حیران شي، چې چاته لګیا یې، مګر موږ باید اسلامي، ټولنیز او وجداني پور ادا کړو.

درنښت 1401-3-6

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.