ننني نمایشي حاجيانو ته../ قاضی باران

0 1,298

ننني نمایشي حاجيانو ته..
د خراسان ستر مجاهد مجتهد او محدث عالم عبدالله بن المبارک (۱۱۸ – ۱۸۱۱ ه.ق) د امام صاحب ابي حنيفة او امام اوزاعي شاګرد د حج اراده وکړه..
د حج په سفر او مزل کې ورسره یو مرغه مړ شو، هغه مردار مرغه یې ډېران کې ګوزار کړو..
شېبه وروسته ډېران سره له نږدې کور څخه یوه پېغله بهر شوه او هغه مردار مرغه یې اوچت کړو په منډه بېرته هغه کور ته دننه شوه!؟
ابن مبارک رحمه الله د پېغلې دې کړنې ته حیران شو او ورغی پوښتنه یې ورڅخه وکړه!!
پېغلې ورته وویل: دغه کور کې یواځې زه او ماشوم ورور مې اوسېږو، مور مو پخوا مړه او پلار مو شتمن وو خو هغه مظلوم ووژل شو او هستي یې لوټ شوه، پرته له دې کمیس څخه نور هېڅ نه لرو او خواړه مو له څو مودې راهیسې د همدغه ډېران ګند دی!!
ابن المبارک رحمه الله خپل همکار ته وویل څومره پيسې درسره لاس کې دي؟
هغه وویل: زر دیناره.
ابن المبارک ورته کړل چې ۲۰ دیناره واخله زموږ بېرته د خراسان تګ لپاره او باقي ۹۸۰۰ دیناره دې پېغلې ته ورکړه، سږکال زموږ له حج څخه همدغه خیرات په مراتبو بهتر دی.
(البدایة والنهایة، ابن کثیر)

Leave A Reply

Your email address will not be published.