ساینسي اختراع کوم ډول ترسره کیږي؟ / سرور ستانکزی

0 576

ساینسي اختراع څه ډول کیږی؟
نیوټن هغه وخت د ځمکې د جاذبې قوې قانون کشف کړ، کله چې د یوی ونې لاندې ناست وو، یوه مڼه له ونې ځنې مستقیم د ځمکې پر لور را ولویده، هغه فکر وکړ چی مڼه ولې مستقیم ځمکې ته راولوېده، یانې ولې پورته فضا طرف ته لانړه؟
تاسو کېدای شي د ( ارشیمیدس) قاعده د یوولسم یا دوولسم د فزیک په کتابونو کې هم لوستلې وي، دا قاعده یوناني فیلسوف هغه وخت کشف کړه کله چې اوبو کې پروت وو، هغه فکر وکړ، کله چې اوبو کې ننوځم، ولې په هغومره اندازه د قوې ډېرېدو ته ضرورت دی؟ همغه وو چې د (ارشیمیدس) په نامه قاعده یې تشریح او تر نن ورځ د هغه یوناني فیلسوف په نوم کتابونو کی ثبت شوه.
هدف دادی؛ اکثره ساینسي څیړنې په حس او فکر کشف شوي، یانې داسې ندی، چې ته باید یوازې کښینې او پر فکر شروع وکړې، چې ګواکې یو نوی څیز کشفوم، مانا دا چې که چیرې روزمره زنده ګي کې نوی څیز له معمول ځنې بغیر در پېښېدل، بیا باید فکر پرې وکړئ، چې دا کار ولې داسې وشو او بل ډول ونشو او ځان لپاره مختلفې پوښتنې راپیدا او په ځوابولو یې فکر وکړئ.
زه وایم؛ الله ج ډېر مهربانه دی، تاسو پر فکر شروع وکړئ، نو کېدای شي کوم انسټاین مو ترمینځ راپیدا شي، تر څو نوم مو په نړۍ کې روښانه کړي. ☺

Leave A Reply