د حامد کرزي او ملا محمد عمر تيروتنې! / هلمند پردیس

0 797
امریکا چې کله د افغانستان جګړه شروع کوله، پر ملا عمر يې غږ وکړو، چې اسامه بن لادن موږ ته وسپارئ، او يا يې له وطن څخه بهر کړئ،موږ ستاسو له حکومت سره هيڅ کار نلرو. ملا عمر د افغانستان په سطحه د 700 ديني عالمانو جرګه راوغوښته، د ډېرو اکثریت عالمانو نظر او پريکړه دا وه، چې اسامه بايد افغانستان پريږدي، او پر ملا عمر يې غږ وکړو، چې د جرګې پرېکړه د عملي کړي، خو ملا محمد عمر خپله سرټمبګي وکړه،د جرګې پرېکړه يې و نه منله، او افغانستان يې د پردو جګړې ميدان کړو!!! همدې ته ورته تېروتنه حامد کرزي هم وکړه، لويه جرګه يې راوغوښته، د امريکا او افغانستان د امنیتي تړون په اړه يې د جرګې پرېکړه رد او د ملا عمر په په شان خپله سرټمبګي وکړه، خو خوشبختانه چې د افغانستان نوى حکومت هغه تېروتنه جبران کړه. اوس هم همغه تيروتنه بيا تکراروي، لويه جرګه راغواړي، خو دېته نه ګوري چې افغان دولت په ډېرو ستونزو د امريکا حکومت دېته مجبور کړو چې د پاکستان څارګرې او ظالمې ادارې او ترهګرو په اړه خپله پاليسي بدله او د سولې په طرف ريښتوني ګامونه اوچت شي. خو ښاغلى حامد کرزي بيا هم د دې پالیسي په ضد دى، کوم چې ده هم د خپل حکومت په دوره کې همدا نارې وهلې. او بله جاليبه يې دا ده، چې خپله حامد کرزى د جرګې پرېکړه نه منې، نو بيا د جرګې راغوښتل څه مانا؟؟؟ ښاغلي حامد کرزي لره په کار ده، چې د کور او د لاهور ګټو تر منځ تفکیک وکړي،يا د دې افغانستان او افغان ملت سره شي، يا دې په ښکاره ووايي، چې ما ته د لاهور ګټې د کور تر ګټو مهمې دي!!!

Leave A Reply

Your email address will not be published.