افغان حکومت او په ځانګړي ډول ولسمشر محمد اشرف غني چې هر ځل په پایداره او باعزته سوله باندې ټینګار کوي، له دې هدف دا نه دی چې ګنې اشرف غني د سولې مخالف دی، هدف دا دی چې د سولې تر شا باید بله جګړه نه وي.
ډیری سیاسیون او نور خلک داسې انګیري چې ګنې ولسمشر غني په دې ډول خبرو سره غواړي د سولې د خبرو مخالفت وکړي، ځینې په دې اند دي چې ولسمشر ډار لري چې واک به یې له لاسه ووځي، خو داسې نه ده هر څه ښکاره وه او ښکاره شول.
تاسو د تېرې ورځې د افغان سولې لپاره د امریکا د بهرنیو چارو وزارت د ځانګړي استازي زلمی خلیلزاد ټویټ وګورئ، هر څه پکې په ډاګه دي او د سولې د توافق د لاسلیک ترشا یې د یوې بلې جګړې زنګ وهلی دی.
خلیلزاد لیکلی چې دوی له طالبانو سره هوکړې ته نږدې شوي او له دې هوکړې وروسته به افغان ځواکونه، امریکا او طالبان د داعش پرضد جګړې ته دوام ورکوي، نو له دې هدف دا کیدلی شي چې امریکا غواړي د طالبانو له پروژې وروسته د داعش پروژه پياوړې کړي او خپلو هدفونو ته پرې ځان ورسوي.
له ولسمشر او نورو عامو افغانانو سره همدا اندیښنه وه چې ایا له طالبانو سره د سولې د هوکړې ترلاسلیک وروسته جګړه ختمیږي او که دوام پيدا کوي، که جګړه ختمیږي، تضمین څه دی او که دوام پیدا کوي د سولې پروسه او هوکړې د څه لپاره دي.
له دې سترګې نه شي پټيدلی چې د طالبانو جنګي قومندانان له سیاسي طالبانو سره نه ځي او کله چې له امریکا سره هوکړه وشوه ، تاسو به وګورئ چې د طالبانو جنګي ډلې به یا یوه بله ډله او بیرغ رامنځ ته کړي او یا به له داعش سره یو ځای شي.
په څو دلیلونو جنګي طالبان له سیاسي طالبانو سره نه ځي؟
لومړی دا چې جنګي طالبانو ځانونو ته شخصي دښمنۍ لیدلي او پرته له وسلې یوه ورځ هم ژوند نه شي کولی.
دویم دا چې جنګي طالبان د جګړې له درکه زیاتې پيسې په لاس راوړي او هيڅکله نه غواړي چې د عوایدو دا سرچینې چې جګړه کې په لاس ورځي په ځان بندې کړي.
دریم دا چې سیاسي طالبان د جنګي طالبانوپه خوښه د سولې پروسه کې نه دي روان او دوی په تمه دی چې د سولې په تړاو څنګه پریکړه کیږي او د دوی موقف به پکې څه وي.
څلورم دا چې له سیاسي طالبانو سره د سولې له هوکړې وروسته جنګي طالبانو ته زیات بهرني استخبارات ناست دي چې په پيسو یې واخلي او تر بل بیرغ او نوم لاندې فعال کړي.
پنځم دا چې طالبانو کې څو ډلې دي او ټول تر یوې رهبرۍ لاندې نه دي، د دوی هرې ډلې خپلې غوښتنې دي او که و نه منل شي لارې ترې جلا کوي او جګړې ته دوام ورکوي.
نو ویلی شو چې باعزته او پایداره سوله د ټولو افغانانو په خیر دی او هغه سوله چې تر شا یې یوه بله جګړه وي هيڅکله د افغانانو او افغانستان په خیر نه ده.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320