د کریکټ نړیواله شورا: د نجونو ټيم د برخلیک په اړه د شوو ژمنو عملي کولو ته انتظار يو
د کريکټ نړيواله شورا وايي افغانستان ورته خپل هوډ څرګند کړی چې په هیواد کې دننه به د نجونو لوبې جاري ساتي. خو په دې تړاو نړيوال لا ډيرو اقداماتو ترسره کولو ته انتظار باسي.
د افغانستان د نجونو کريکټ ټيم د فعالیت خبره هغه وخت جنجالي شوه چې د اګست مياشتې په نیمايي کې واک ته د طالبانو تر رسیدلو وروسته طالبانو د نجونو لوبې وځنډولې. د طالبانو دغه اعلان غبرګونونه له ځانه سره لرل. د بیلګې په توګه استرالیا تر دې وړاندې خبرداری ورکړی وو که طالبان نجونو ته د لوبو اجازه ورنکړی دوی به افغانستان سره پلان شوې تیست لوبه لغوه کړي.
د کريکټ نړیوالې شورا اجرائيه مشر، جیف الاردیس وويل چې دوی به د افغانستان له کریکټ څخه ملاتړ وکړي تر څو د یو جګړه ځپلې هیواد څخه نړيوال سیتج ته رسيدلی وی.
هغه په دوبۍ کې خبریالانو ته وویل: «زموږ هدف دا دی چې ووینو په افغانستان کې نارینه او ښځې کريکټ وکړي. موږ له هغوی څخه ملاتړ کړی دی او [د افغانستان] ټيم په دغه تورنمنت کې خپله کارکردګي ښودلې. تاسو په اوسنیو يو شمیر لوبو کې د هغوی لوبغاړي ولیدل.»
الاردیس زیاته کړه: «دا چې په افغانستان کې وضعیت په څه حالت کې دی په دې اړه به راتلونکې اوونۍ د بورډ په ناسته کې ارزونه وشي، هغوی به په دې اړه رپوټ ترلاسه کړي چې کارونه څنګه مخته ځي.»
د کريکټ د نړیوالې شورا اجرائيه مشر وويل: «دا چې لوبې به بیا څنګه ترسره کيږي، وخت به ېې ووايي. هو، موږ له هغه وخت راهيسې چې په افغانستان کې وضعیت بدلون کړی، له هغوی سره په منظمه توګه په اړيکه کې يو.»
هغه وويل: «دوی موږ ته د ښځو د لوبو د ادامې ويلي دی. هغوی موږ ته یقینا په دې اړه چې لوبې یې توقف کړي دي، کومه اشاره نه ده کړې.»
دا چې اوس په افغانستان کې طالبان حاکم شوي او د هغوی حکومت لا تر اوسه په رسمیت نه دی پيژندل شوی، په روان شل اوريز نړیوال جام کې د افغانستان د کریکټ د نارينه ټيم د ګډون په اړه هم انديښنې موجودې وې، خو افغانستان بالاخره په دغه جام کې ګډون وکړ.
د دغه جام لوبې په متحده عربي اماراتو کې ترسره کیږي. افغانستان د محمد نبي په لوبډلمشرۍ، د خپلو پنځو لوبو څخه دوه يې وګټله او درې يې بایلودلې او ونه توانید چې پايلوبې ته ووځي. اوس د دغه ټورنمنټ یوازې د فاینل لوبه پاتې ده چې د دوشنبې په ورځ د استرالیا او نیوزیلند تر منځ تر سره کيږي. استرالیا په پایلوبه کې پاکستان او نیوزیلند بیا انګلیند ته په ماتې ورکولو سره فاینل ته ووت.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.