مور د نړۍ ښکلې هستي

مور د انساني تاریخ هغه ستره او اوچته نعمت او معنوي زیرمه ده، چې قیمت ورته ناشونی دی. که انسان ټول عمر د هغې خدمت ته ځانګړی کړي؛ نو په جرات ویلي شو چې بیا هم خورا قلیل او کم دی. البته دهغه زیارونو او زحمتونو په وړاندې چې هغې ګاللي او زغملي دي. نبیيکریم ص فرمایي: جنت د مور د پښو لاندې دی. میندې د مینې هغه ګل غوټۍ ده، چې په غوړیدو یې خپلو ګلونو ماشومانو ته د مینی او مهربانتیا احساس ورکوي او د مینې په رڼا کې یی روزي. د مینې درس ورته ورکوي او په انساني او اسلامي انګیزه یې سمبالوي. مور د رازونو هغه هستي ده چې انسان یې په خوا کې او تنهایي پر وخت یوازینۍ راز داره مومي او د ناهیلیو پر وخت د امیدونو ستره ستنه ده.
مور پرون نن او سبا د خپل اولاد په فکر او دعا کې تیروي، هغه ډالۍ چې کیدای شي هیڅ بدیل یې ونه موندل شي. غیږه یې د هر انسان لومړنۍ مدرسه ده، چیرې چې انسان ښه سلوک، مهرباني او الفت زده کوي.
هر چیرې چې اوسې مور مو تل تر څنګ ده، کله خپلې دعا او کله هم د رحمت په څیر. د خپل پلار او مور د رضا د تر لاسی سره د نړۍ او اخرت کامیابي او سر لوړي خپله کړئ.
په پای کې یوه ورځ نه بلکې هره ورځ د مور په نوم، زما زړه او ژونده ورځ دې مبارک سیوری دې زما په سر او غیږه دې د تل لپاره زما د سکون ځای.

مورې دعا دې غواړم
ښکلې دنيا دې غواړم
ښکلې شيبه يې مورې
واخ! پښتنه يې مورې

دعوت رسنیز مرکز اداره