دعوت ویبپاڼې ته د استاد بشیر دودیال لیک

بسم الله الرحمن الرحیم

معزز او مهربان ورور ښاغلی بزګر صاحب،  السلام علیکم!

د احتراماتو په وړاندې کولو سره باید ووایم چی هر سهار مې لومړنی کار دا وي چې دعوت لولم. ټول  لولم، که کومه مقاله سهار راڅخه پاتې وي، د شپې یې لولم. په دې ترڅ کی می په یوه لیکنه سترګې ولګیدې عنوان یی و: ( ماما می بل هلک راته موندلی)!!

د دې عنوان په لیدو مې احساس کړه چې له لیکوال څخه ورخ اوبو وړی.  ځکه دا یوه د بازار او کوڅې جمله ده، له پیله  او بیا یوه ډیره نامناسبه او د قلم له درنښت سره نا شایسته عنوان دی.  ما تر اوسه دعوت کی داسی لیکنه او  دا ډول عنوان نه و لیدلی .

په ډیر سرګردان او بوخت وخت کې دغه لیک ستاسو درانه  حضور ته وړاندی کوم، که  د بیړې له امله تیروتنې هم ولري، معاف یې کړئ. دغه لیکنه تر دغه عجیب عنوان  لاندې  ادبی هم نده، اجتماعی او اخلاقی اړخ هم نلری، آن دا چې د تنقیط  اندکترین اصول یې ندي رعایت کړی، له پیل ترپایه یو ټکی، کامه او نورې ضروری لیک نښې نه لری. غیرمتعارف او د لیکدود د اصولو سره مغایر اصطلاحات پکی دا دي: ککوی می، خورځه، شتون، سرپرایز، برعکس، شوو…محتوا یی چندان مناسب پیغام نه لری.

فقط یو عرض و خدای دې وکړی خپه نشئ  او له لیکوال څخه هم بښنه غواړم، اما را ته ضرور ښکاره شوه چی خپل نظر څرګند کړم، دا ځکه چی دعوت یو معزز اخبار او دعوت میېیا یوه درنه  ویبپاڼه ده.

په درناوی

محمد بشیر دودیال