آېا نارسيسيزم پېژنی

ځاني ارزښت ېا خپل ځان ته ارزښت ورکول په ټوليز ډول درې حالته لري : نارمل ېا سالم ځاني ارزښت ېا عزت نفس ، ځان ته کم ارزښت ورکول ېا د حقارت احساس او درېم ېې پرځان عاشق والی ېا نرګېسيزم دی .
نارسيسيزم ( Narcissism ) چې نرګېسيزم هم بلل کېږي – د انساني شخصېت ېو (ناروغ ) اروايي حالت ېا احساس دی . نارسيست شخص تر حده زېات پر ځان مېن ( عاشق ) وي ، ځان دومره لوړ ، مهم ( ېا په جسمي توګه ښکلی ) ګڼي او دومره د ځان ستاېنه کوي چې اکثراً مبالغه او د واقعېت سره سمون نه لري .
د نرګېسيزم اصطلاح له ېوې يونانۍ افسانې څخه سرچينه اخلي . دې افسانې کې د ېو کس ېادونه شوې چې ډېر زېات پر ځان مېن و ؛ په ساعتونو ساعتونو به ېې د وېالې په اوبو کې د خپلې څېرې انعکاس ته کتل ؛ له دغه انځوره ېې خوند اخيسته او پر خپلو ستاېنو نه مړېده … په پای کې دغه کس د نرګس په ګل بدل شو …
د دغې ناروغۍ ځينې نورې نښې :
نرګېسېت لرونکی شخص په دې خبره کلک باور لري چې دی ځانګړی او منحصر په فرده دی ، مخصوص او لوړ حېثېت او مقام لري ؛ فکر کوي تر نورو خلکو بهتر او لوړ دی ؛ خپلو نظرېاتو ، استعدادونو او کامېابېو ته – تخيلي لوړ اهمېت ورکوي ؛ د نورو ښېګڼې او کامېابۍ ورته هېڅ ښکاري او په دې تمه وي چې هر وخت او هر ځای کې باېد دی لومړۍ درجه وي او خلک باېد تل د ده ستاینې او صفتونه وکړي.