ټرمپ د افغانستان او اوکراین په اړه: که زه اعلی سرقوماندان وای، هیڅکله به داسې نه وای شوي

ټرمپ د افغانستان او اوکـ.راین په اړه: که زه اعلی سرقوماندان وای، هیڅکله به داسې نه وای شوي

د متحده ایالتونو پخواني جمهور رئیس دونالد ټرمپ تېره ورځ سه شنبه ۲۶ جولای (زمری څلورمه) خپله هغه ادعا بیا تکرار کړه چی د ۲۰۲۰ کال ټاکنی یې ګټلي دي. له دې څخه داسې جوتیږي چې ښایي هغه یوځل بیا سیاست ته مخه کړي او د امریکا د جمهوري ریاست په راروانو ټاکنو کې کاندید شي.

له واک څخه له لېرې کېدو وروسته په لومړي ځل ښاغلی ټرمپ پرون واشنګټن ته راغی او دلته یې د “لومړي امریکا اجنډا” تر عنوان لاندې غونډې ته خبرې وکړې.

هغه د خپل جمهوري ریاست له دورې څخه څه باندې ۱۸ میاشتې وروسته، اوس دې ښار ته د خپلو بډایو ملاتړو په ملتیا په یوه لویه غونډه کې د سیاست او پالیسۍ اړونده وینا کولو په موخه راغلی دی.

ټرمپ په دې وینا کې له افغانستان څخه د امریکا وتلو ته هم اشاره وکړه. هغه وویل: “موږ هغه ملت یو چې په افغانستان کې تسلیم شوو. وژل شوي سرتېري، امریکايي وګړي او د ۸۵ میلیارد ډالرو په ارزښت د نړۍ تر ټولو غوره نظامي تجهیزات مو تر شا پرېښودل”.

پخواني جمهور رئیس زیاته کړه: “موږ هغه ملت یو چې روسیـ.ې ته مو اجازه ورکړه چې اوکـ.راین ویجاړ کړي، په سلګونو زره خلک ووژني او تر دې به هم واوړي. او که زه اعلی سرقوماندان وای، دا به په هیڅ ډول، هیڅکله نه وای پیښ شوي. هیڅکله به داسې نه وای شوي”.