نړیواله ټولنه دې د طالبانو حکومت په رسمیت نه پيژني

جرمني کې لاریون کوونکي: نړیواله ټولنه دي د ط.. /البانو حکومت په رسمیت نه پيژني.

د المان پلازمېنې برلین کې یوشمېر مېشتو افغانانو د لاریون په کولو سره د المان له حکومت او نړیوالې ټولنې څخه غوښتنه وکړه چې ط.. /البان په رسمیت ونه پېژني.

دوی د سیمې پر هېوادونو غږ وکړ چې پر ط.. /البانو فشار راوړي څو ټولګډونه حکومت جوړ کړي، د ښځو د کار او زده کړو حق ورکړي او لګېدلي بندیزونه له هغوی لرې کړي.

دغو لاریونوالو په کابل کې د پارونۍ ښځینه لاریون کوونکو څخه ملاتړ وکړ او ط.. /البانو لخوا يې د وسلو په زور د لاریون مخنیوی وغانده.

په المان کې د شوي لاریون ګډونوالو وویل، د ط.. /البانو د واکمنۍ په تېر یو کال کې افغانانو خپلې ټولې لاسته راوړنې له لاسه ورکړې، له ښځو د کار او زده کړو حق واخېستل شو، ملي ارزښتونو زیان وموند او د بیان ازادي له منځه لاړه.

دوی پرنړیوالو هم نیوکه وکړه چې تر اوسه یې د افغان مېرمنو د حقونو لپاره هغه ډول چې پکار ده عملي اقدام نه دی کړی او یوازې یې په شعارونو او اعلامیو بسنه کړې ده.

“نړیوالو په تېر یو کال کې افغانان او په ځانګړي توګه افغان مېرمنې له پامه غورځولي او حتی اوس د افغان نجونو د ښوونځیو د پرانيستلو لپاره ګړندی ګام نه پورته کوي”.

دغه لاریون داسې مهال ترسره کېږي چې تیره ورځ په کابل کې هم یوشمېر مېرمنو د کار، ډوډۍ او خپلواکۍ په شعارونو سره لاریون وکړ چې د ط.. /البانو لخوا پرې هوایي ډزې وشوې او مخنیوی يې وشو.

له دې وړاندې بشر حقونو د څار بنسټ په خپل راپور کې د ط.. /البانو یو‌کلنه واکمني د افغانانو لپاره په بشري او اقتصادي لحاظ له ناورینه ډکه وګڼله.

د دغه بنسټ په راپور کې راغلي و، چې د ط.. /البانو په واکمنۍ سره پر ښځو محدودیتونه لګېدلي او د هغوی حقوق تر پښو لاندې شوي.

ملګرو ملتونو هم په خپلو په خپلو تازه څرګندونو کې ویلي چې ښوونځیو ته تګ د نجونو حق دی او هېڅ څوک باید له دوی دا حق وانخلي.