د مهبل د اوبلنو ترشحاتو ډولونه

ترشحات یو سټنډرډ دی خو له کومه چې ټولې مېرمنې بېلابېل مهبلي ترشحات لري نو ټاکلې اندازه یې نده څرګنده.

که چېرې مایعات په سادګۍ سره اوبلن وي تاسو به شپې لخوا ډېر نه په عذابوي ، سم خوب به وکړئ او د تشویش وړ خبر نده خو که نورې نښې نښانې ورسره پیدا شوې او د ترشحاتو رنګ متفاوت وو نو تاسو باید حتما د ډاکټر کتنې ته ځان ورسوئ.
که په لاندې ډول ترشحات ولرئ باید ډاکټر ته مراجعه وکړئ:-

زېړ رنګه ترشحات:-

اوبلن او زېړ رنګه ترشحات د ګونوریا او واژینو باکټریا ښکارندوی دي.
دا ترشحات د کبانو غوندې بوی لري. د جنسي اړیکې او متیازو کولو سره یې خارښ او درد ډېرېږي.

شین رنګه ترشحات:-

شین رنکه ترشحات د کلامیډیا او تریکوموناز ښکارندویی کوی. دا ډول ترشحات تروش او د کبانو غوندې بوی ورکوي.اکثرا سوروالی او د لګن خاصره له درد سره مل وي.

خړ/خاکستري رنګه ترشحات:-

که خاکستري ډوله ترشحات لرئ نو احتمالا د واژینو باکټریایي څرګندوی دي.دا ډول ترشحات بد بوی او خارښ لري او د مهبل له پړسوب سره مل وي.

سپین رنګه ترشحات:ـ

که چېرې ترشحات سپین او بوی لرونکي وي او ډېر راڼه وي نو په بدن کې د نورو عفونتونو یا کومې بلې ستونزې ښکارندویی کوي.
د اوبلن اصطلاح موږ هغه وخت کاروو چې ترشحات لکه اوبه داسې مایعات وي او کوم بل رنګ لکه خړ او سپین او نور… پکې نه لیدل کیږي.

په مهبل کې د اوبلنو ترشحاتو شتون د مهبل طبیعي حالت ښکاره کوي چې مهبل لندبل او مرطوب ساتي.
میاشتنی عادت د مهبلي مایعاتو د تغیر سبب ګرځي.طبیعي اوبلن تغیرات یې هم یوه نښه ده.

که چېرې تاسو کومه بله ستونزه د مهبلي ترشحاتو سره لرئ،نو تاسو باید حتما ډاکټر ته لاړ شئ.