په پاکستان کې په غير قانوني توګه میشتو کسانو ته په خپله خوښه له دغه هېواد څخه د وتلو د ټاکل شوې مودې په پوره کيدو سره پولیسو سه شنبه د شپې تر دولسو بجو وروسته عمليات پيل کړي دي.
که څه هم چې پوليسو ویلي دي چې خلک په خپله خوښه ستنيږي او تر اوسه هیڅوک نه دي نيول شوي، خو په کراچۍ او اسلام آباد کې د افغان کډوالو د نيولو، ځورولو، ويرولو او په زور ترې د پېسو اخیستو په اړه خبرونه ورکړل شوي دي.
نن، چهار شنبه تر يو څو ساعته مخکې پورې د کراچۍ د صدر د پوليسو د مرکز له سيمې څخه څلور افغان کډوال نيول شوي او هولډنګ سنتر يا د اخراج مرکز ته انتقال شوي دي. د سرچينو له خوا ويل شوي چې دې څلورو هلکانو د اوسېدو اسناد نه لرل.
د دولتي سرچينو په حواله د اخراج له مرکزونه څخه به بيا دا کسان د سروس موټرو او يا ځګړو ريلونو له لارې پر سرحد د اوښتو له پاره تر پولې رسول کیږي. زیاته شوې چې په دې ترڅ کې به کلک امنيتي تدابير نيول کيږي.
د غير قانوني کډوالو سره مرسته کوونکي به هم مجازات کيږي
د پاکستان د کورنيو چارو سرپرست وزير سرفراز بګټي ويلي ول چې د قانون پلي کوونکې ادارې به سره له چهار شنبې ورځې څخه د هغو کډوالو په اخراجولو پېل کوي چې په پاکستان کې د اوسېدو اجازه ونه لري.
نوموړي خبرداری ورکړی دی چې هر هغه پاکستانی به هم د قانوني اقداماتو سره مخامخ کيږي چې د غير قانوني کډوالو د هويت په پټولو او يا له هغوی سره د کار په موندلو کې مرسته کوي.
رويترز خبري آژانس د چهار شنبې په ورځ د يوه پاکستاني چارواکي له قوله خبر ورکړی دی چې تر ۱۰۰ زرو ډېر هغه افغان کډوال چې په پاکستان کې د اوسيدو اسناد یې نه لرل، په تېرو دوو اونیو کې په خپله خوښه د تورخم له لارې خپل هېواد ته ستانه شوي دي.
د جنوبي وزيرستان سيمې ډپټي کميشنر عبدالناصر خان، وويل چې دغه افغان کډوال د پاکستان د بېلا بېلو سيمو څخه تورخم ته راغلي وو.
طالبان: د افغانانو د اخراج مهلت دې وغځول شي
په افغانستان کې د طالبانو حکومت د چهار شنبې په ورځ پر پاکستان غږ کړی دی چې په غير قانوني توګه ميشتو افغان کډوالو ته دې له دغه هېواد څخه د وتلو له پاره ورکړل شوی مهلت وغځول شي. دا په داسې حال کې ده چې پر سرحدي پوستو د هغو په زرونو افغان کډوالو له کبله فشار مخ پر زياتېدو دی چې بيرته خپل هېواد ته ستنيږي.
طالب چارواکو په يوه اعلامیه کې له پاکستان او نورو هغو هېوادونو څخه مننه کړې ده چې د تېرو څو لسیزو جګړو له کبله یې افغانانو ته پناه ورکړې ده، خو له هغوی یې غوښتي چې «افغانان دې په دومره بيړه او په زور نه اخراجوي، بلکې هغوی ته دې د ځان د چمتو کولو وخت ورکړي.»
د پاکستان حکومت ويلي ول چې ۱،۷ ميليونه افغان کډوال چې په غير قانوني توګه په دغه هېواد کې ميشت دي، د نومبر میاشتې تر لومړۍ نیټې پورې بايد په خپله خوښه له دغه هېواد څخه ووځي که نه نو اخراج به شي.
د چمن او تورخم بندر د چارواکو په حواله د اکتوبر میاشتې په پېل کې د دغه اعلان راهېسې تر اوسه تر ۱۳۰ زور ډېر افغانان د دغو دوو سرحدي لارو بيرته خپل هېواد ته ستانه شوي دي.
په دې منځ کې يو شمیر نړيوالو سازمانونو د پاکستان پر دې پريکړه نيوکې کړي دي.
د بشري حقونو د څار ټولنې ويلي دي چې د پاکستان حکومت په غير قانوني توګه د میشتو افغانانو افغانستان ته د بيرته ليږدولو او اخراج له پاره له ګواښلو، ناوړه چلند او نيولو په څېر لارې چارې کاروي.
د بخښنې نړيوال سازمان هم پر نړيواله ټولنه غږ کړی دی چې د افغان کډوالو د کوربتوب په برخه کې دې له پاکستان سره مالي مرسته وکړي او د هغو کسانو د خونديتوب په مسئوليت کې دې ونډه واخلي چې په افغانستان کې د ځوريدو د ګواښ له کبله یې پاکستان ته پناه وړې ده.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.