د افغانستان د کرکټ د ملي لوبډلې د شل اوریزو لوبو کپتان او مشهور لوبغاړي راشد خان په شل اوریزو لوبو کې د ۶۰۰ ویکټو اخیستل پوره کړل.
راشد خان تېره ورځ په انګلنډ کې د (Hundred) په نوم تجارتي لیګ کې په خپلې لومړۍ لوبې کې دوه لوبغاړي اوټ کړل او دا ریکارډ یې جوړ کړ.
دی د افغانستان د کرکټ لومړی لوبغاړی دی چې تر دې دمه په خپلو نړیوالو او تجارتي شل اوریزو سیالیو کې ۶۰۰ کسان سوځوي.
راشد خان په دې سره په نړۍ کې دویم لوبغاړی شو چې دا کارنامه کوي. تر راشد خان د ویسټ انډیز پخواني لوبغاړي ډي جي براوو ډېرې ۶۳۰ ویکټې اخیستې دي او هغه تر دې دمه په دې ډګر کې اول مقام لري
راشد خان په خپل فیسبوک کې دا خبر خپور کړی او له خپلو مینه والو څخه یې مننه کړې.
راشد خان تر دې دمه ۴۴۱ شل اوریزې لوبې کړې چې په دې کې د افغانستان لوبې او په نورو لیګونو کې ټولې لوبې شاملې دي.
راشد خان د نړۍ په بېلا بېلو هېوادونو کې په تجارتي لیګونو کې لوبېږي. تېره اوونۍ په متحدو ایالتونو کې په میجر لیګ کې یې لوبې خلاصې شوې او مستقیمآ لندن ته ولاړ چې د (Hundred) په تجارتي لیګ کې ولوبېږي.
راشد خان خپله لومړۍ نړیواله شل اوریزه لوبه په ۲۰۱۵ کال کې د زمبابوې په خلاف وکړه. دی د کرکټ د نړیوالې شورا له لوري د تېرې لسیزې د شل اورونو غوره لوبغاړی هم ټاکل شوی دی.
راشد خان د ۲۰۲۴ کال په نړیوال شل اوریز جام کې د افغانستان کپتان و او د ده ده تر مشرۍ لاندې افغانستان قوي لوبډلې ماتې کړې او نیمه پایلوبې ته ووت.
امریکا غږ
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.