د ملګروملتو علمي کلتوري اداره یونسکو وايي، د راتلونکې پنجشنبې په ورځ (اګست په اتمه نېټه) په افغانستان کې د زدهکړو پر اوسني وضعیت او د زدهکړو لپاره د افغان نجونو له حقه د نړیوال ملاتړ په اړه غونډه جوړوي.
د یونسکو له اعلان سره سم، پهدې انلاین کنفرانس کې به د ملګروملتونو د دې ادارې د متخصصانو ترڅنګ د افغانستان د مدني ټولنې غړي ګډون وکړي.
یونسکو دا کنفرانس واک ته د طالبانو د رسېدو د درېیمې کالیزې په درشل کې دایروي.
طالبانو د ۲۰۲۱ د اګست په ۱۵مه کابل ونیوه او له هماغه پیله یې په تدریجي ډول په ځانګړي توګه د ښځو خلاف بندیزونه ولګول.
دوی واک ته له رسېدو وروسته لومړی د نجونو منځني ښوونځي او لېسې بندې کړې او د ۲۰۲۲ په دسمبر کې یې د پوهنتونونو دروازې هم د نجونو پرمخ وتړلې.
د نجونو او ښځو خلاف د طالبانو بندیزونه د هغو ژمنو خلاف دي، چې د دوی مشرانو تر واک ته رسېدو مخکې نړیوالو ته ورکولې او یا یې له رسنیو سره په مرکو کې کولې.
له زدهکړو بېبرخې شوې يوې نجلۍ په غزني کې نجونو ته د زدهکړو وړيا ټولګی جوړ کړی
یونسکو مخکې ویلي و چې، د طالبانو د بندیزونو له کبله په سلو کې ۸۰ نجونې له ښوونځیو پاتې شوي او کابو ۳۰ سلنه حتی لومړنیو ښوونځیو ته هم نهځي.
دا پهداسي حال کې ده چې د طالبانو تر واک ته رسېدو مخکې د ۲۰۰۱ او ۲۰۱۸ کلونو ترمنځ په ښوونځیو کې د شاملېدونکو زدهکوونکو شمېر لس برابره زیات شوی و.
د یونسکو د معلوماتو پر اساس، په ۲۰۲۱ کې د ابتدايي ښوونځیو له هرو ۱۰ زدهکونکو څخه يې ۴ تنه نجونې وې.
طالبان د نجونو د ښوونځیو د بندولو لپاره هیڅ راز دلیل نه وړاندې کوي.
تېره میاشت د ملګروملتونو د ماشومانو د ملاتړ ادارې یونېسف وویل، چې په تېرو څه کم دريو کلونو کې افغان نجونو ۳ میلیارده درسي ساعتونه له لاسه ورکړي دي.
طالبان د نجونو د ښوونځیو د بندولو لپاره هیڅ راز دلیل نه وړاندې کوي.
د طالبانو د حکومت وياند ذبیحالله مجاهد د دوحې په درېیم کنفرانس کې د نجونو او ښځو د زدهکړو په اړه د پوښتنو په ځواب کې وویل چې، دا د افغانانو اندېښنه ده او دوی هڅه کوي چې یوه حللار ورته پیدا کړي.
د سهشنبې په ورځ په امریکا کې د افغان مېرمنو د حقونو په اړه په جوړه شوې غونډه کې پهدې ټینګار وشو چې په افغانستان کې دې جنسیتي اپارتاید په رسمیت وپېژندل شي.
غونډې ته د افغان ښځو، نجونو او بشري حقونو لپاره د امریکا ځانګړې استازې رینا امیري په خپلو خبرو کې طالبان د جنسیت پر بنسټ د ښځو په ځورونې تورن کړل.
نوموړې وويل: “د طالبانو هغه سخت فرمانونه چې په مستقیمه توګه ښځې او نجونې په نښه کوي تر ټولو ناوړه وو. موږ د طالبانو لهخوا دا بنسټیز شوې هڅې د جنسیتي ځورونې په توګه په رسمیت پېژنو.”
په همدې حال کې پرون د ښځو د حقونو یو شمېر فعالې څېرې په لندن کې راټولې شوې چې په افغانستان کې له اوسني وضعیت څخه د ښځو د وتلو پر لارو چارو خبرې وکړي.
ازادی رادیو
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.