ماغزه مو څرنګه منظم تنفس کولی شي

موږ ټول په ورخ کی په زرګونو ځله تنفس کوو. دغه راز پرته له دې چې پام مو شی، له موږ څخه هر يو تن تر ۱۰ زره لیتره تازه هوا خپل بدن ته ښکته کوو. په دې توګه, نو په سم ډول تنفس کولو سره موږ خپلو مغزو ته په لوړه کچه تازه هوا رسوو او د تمرکز وړتیا يې غښتلی کوو.

له ډیرو علمي څيړنو جوته شوې چې په پرله پسي ډول په ارامۍ سره ساه اخيستل زموږ د مغزو وړتيا د اوږدي مودې له پاره ښه لوړوي. ورسره د وينی فشار ښکته کيږي، د زړه ضربان مو منظم او د فشار هورمون مو ازادیږي.

په څه ډول سره چې موږ ساه اخلو په هغه ډول زموږ پر رواني او فزيکي حالت نيغ په نیغه اغيز لري. په ارامي سره  د ساه اخیستلو له پاره په دي ډول ساه واخلئ:

څلور ثانيې ژوره ساه واخلئ، لنډه شيبه اخيستل شوی ساه وساتئ او ورپسي اوه ثانيې دغه کش کړي هوا  بيرته بهر ته وباسئ.

د لا ښه ساه احیستلو له پاره خپلې سترګي پټي کړئ او په پزه ساه واخلئ.

ښه دا ده چې په ژور پام يا په شعوري توګه ورته پام وکړئ چې دغه اخيستل شوي او طبعي هوا ستاسی بدن ته څنګه ورځي او بيا بیرته ترینه په څه ډول  وځي.

په ازاده هوا کې ګرزیدل او ورسره ژوره ساه اخیستل، څلور ثانیې ساتل او اوه ثانیې بیرته ویستل یې زموږ سږي پیاوړي کوي او زموږ ماغزه اراموی،په اوږده موده کې یې تکرار زموږ روغتیا نوره هم غښتلې کوي.