مــا ويـل لاس پـر تـندي ږدمـه
د محـبت خـيـال کې پـريـږدمـه
تا ويل زړه کې مې خوندي دی
زه یــې لــه لـرې درته لـیــږمـه
ما ويـل ستـرګې مې سوزيـږې
دا بــه پـه اوښــکو لـمــدومه
تـا ويل پـيغام د مـيـنې واخــله
پـټ پـه ګـوګل کـې مـې ساتمه
ما ويـل لیږد يې اســان نـه دی
ویـده زړه څنګ به ويـښـومــه
تـا ويـل پــوهــه يـې هـنـر دی
په ميــنـه ګام پـورتـه کـوومــه
مــا ويـل غــږ ټــپ د یـووالي
تا ويـل ولس مې راويـښــومــه
ما ويل ولي تـس او نـس شـوي
تـا ويـل رقـيـب نــور شنـډومــه
ما ويل ازاد ژوندون ارمان دی
تـا ويـل لـيمـې يــې را رڼــوومه
د بـې عـلـمـۍ تـيـاره راټــولــه
هــمـا مـارغــه بــه الــوزومـه
ما ويل مـوږ يـوو درتـه ولاړې
خپـل دریابونو نه به يې سکمه
تـا ویـل اوبـه درومـې بهر تـه
نور مـو سیـندونه راګـرزومـه
ما ويـل پـه غرونـو کې کانونه
د پـردو لاس تـرې لـنـډوومــه
تا ويـل سـاه يې زمـوږ تـړلـې
زنــدۍ مـرۍ را خـلاصـومــه
ما ويل ګاونـډ مـاشـومان وږي
اخـتــلاس ګــر راپــرزوومـــه
تـا ويـل مکتب بـه پرانـيزمـــه
ښــوونکي ټـول راپـاڅــوومــه
ما ويل زلمو که يون پيل نه کـړ
جيـنکۍ يو ځل يـو لاس کـوومه
تا ويـل وعــده د نوي یـون ده
دا پـيـــلامــه نـه هــيـروومـــه
ما ويـل ګودر کې راته تـم شـه
منګي منځ کې اعلان راوړمـه
تـا ويــل لاربه دې څـــــارمـــه
ولس رابلمه، هـېواد ژغورمـــه
مـا ويـل غـږ سـر تـاسـري دی
هېواد پـه يـو يـون راخـورومـه
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.