خوشحالي په وړو شیبو کې پیدا کړه

شاید سبا ته ژوندی نه اوسو…
نو همدا نن هغه څه وکړئ چې د زړه کې مو تل هیله لرله. هغه شیان چې د اخیستلو لیوالتیا مو لرله، خو د نورو د خبرو یا اندیښنو له امله مو ځان ترې محروم کړی، واخلئ.
هغه جامې واغوندئ چې ستاسو زړه غواړي، نه هغه چې نور یې تاسو ته توصیه کوي.
هغه خبره وکړئ چې په زړه کې مو کلونه زړېږي؛ زړه مو سپک کړئ او له زړه څخه یې صاحب ته ووایئ.
د یو ځل لپاره، چتری له ځانه لرې کړئ، اجازه ورکړئ باران ستاسو پر مخ راورېږي او له طبیعت سره دا ساده او په زړه پورې اړیکو څخـه خوند واخلئ.
د پلار لاس ښکل کړئ او ورته ووایئ چې د هغه شتون ستاسو لپاره څومره ارزښتمند دی.

بوټونه مو وباسئ، په لوڅو پښو په شنه چمن کې وګرځئ او د ځمکې له طبیعي احساس سره ځان نښلوئ.
پخواني ملګري ته زنګ ووهئ او ورته ووایئ چې د تېر وختونو یادونه ستاسو په زړه کې تلپاتې دي.
سهار وختي له خوبه پاڅئ او د لمر راختلو هغه جادويي شیبه وګورئ، چې په هره ورځ کې یو نوی پیل دی.
هغه خواړه وخورئ چې له زړه ورسره مینه لرئ، د هغو څخه خوند واخلئ، او په هره شیبه کې خپل ځان ته د خوشالۍ حق ورکړئ.

باور وکړئ، ریښتینې خوشحالي په همدې وړو، خو ژورو شیانو کې پرته ده.
موږ ته له ماشومتوبه را زده کړل شوي چې نیکمرغي یعنې روپۍ، لوی او مفشن کور، او قیمتي موټر دی.
همدا لامل دی چې موږ تل په تمه یو، تل د لا ډېر او لا قیمتي شیانو په لټه کې یو، او له هغه څه چې لرو یې، خوند نشو اخیستلی.
خو که همدا نن، همدا شېبې، د هغو کوچنیو خو ارزښتمنو کارونو لپاره وکاروو، نو ریښتینې خوشالي به ومومو.

د انساني ارادې بریالیتوب