احساس

له یوه کاڼه انسان سره کولای شئ لډو یا شطرنج وکړئ، او له هرې شيبې يې خوند واخلئ؛
له یوه ذهنې معلول سره کولای شئ له کوره بهر پلي تګ وکړئ، او د طبیعت له ښکلاوو څخه خوند واخلئ؛
له یوه ړوند انسان سره کولای شئ کښینئ، سندرې واورئ، او د تیرو یادونو په اړه خبرې وکړئ؛
له یوه ماشوم سره کولای شئ لوبې وکړئ، وخاندئ، او د هغه له بې ریا خوښۍ څخه خوند واخلئ؛
له یوه تورپوستي یا نا پېژانده کس سره کولای شئ ژر آشنا شئ، باور وکړئ، او حتا له هغه څخه مشوره واخلئ.

خو!
له یوه بې‌احساسه انسان سره… تاسو نشئ کولای چې د ژوند شېبې رنګینې کړئ،
د پلي تګ پر مهال به هېڅ خوند وانخلئ، هغه خندا چې باید زړه مو پرې ارامه شي، کمه به وي.
پرې باور به نشئ کولی، د زړه خبرې به نشئ کولی، ځکه تل به د هغه له غندنې وېرېږئ،
هغه به ستاسو په خوشحالیو کې غم ګډ کوي، او ستاسو پر ماضي به تل نیوکې کوي.

احساس د انسان په جوړښت کې یو اړین عنصر دی. که یې نه لرئ، هڅه وکړئ چې په خپل ځان کې یې پیدا کړئ.
هغه انسانان چې احساس نه لري، ډېر ژر نور له ځان څخه زړه توري کوي، او د دوی د ژوند په لاره کې د انسانانو زړونه ماتوي.
احساس د انسانیت جوهر دی، بې له دې، ژوند له رنګ او خوند پرته دی.
څوک چې احساس لري، نه یوازې ځان، بلکې د نورو ژوند هم ښکلی کوي.
نو د انسانیت په دې حساس او ژور اړخ کې ځان پیاوړی کړئ، چې هم خپله ژوند ښکلی کړئ، او هم د نورو لپاره د آرامۍ او مینې سرچینه شئ.

خوشحالي په وړو شیبو کې پیدا کړه