د منظور پشتین د قومی عدالت د خیبر ملی لویه جرګه

څانګی  به  نن  سبا  کښی  ګل  شی
ما یي په سر کښی سری غوټي لیدلی دینه.

هاغه ملت چی ۷۰ کاله پاشل شوی و ځوان منظور پښتون بیا یو لاس کړ.
د پښتون د تحفظ بی بدیله مشر منظور احمد پشتین وایي .
« چی یو څاڅکی وینه را کښی پاتی وی ، د پښتون قومی عدالت جرګه جوړوم .»
دده دی متین عزم او کلکی ارادی دا وښودله ، کله چی پښتون عزم وکړی خپل عهد پوره کولای شی. د داسی پرتمینی او د ویاړه ډکي جرګی جوړیدل واقعآ اسان کار نه و.
علی امین ګنډاپور پدی جرګه کښی وویل . « که پښتانه سره یو شی هیڅوک پری ظلم نشی کولای.» حقیقت هم همدا خبره ده.
پښتون داسی یو قوم دی چی د خپلو ملی ارزشونو په مقابل کښی چاته سر نه ټیټه وی دوی په میړانه د خپلو ارزشونو څخه دفاع کوی لکه څنګه چی باتور شملور، زړه ور او خولور  اپریدی قوم ددی عظیمی جرګی د جوړیدو په خاطر ۳۵۰۰ خپلي حجری د ددی غونډی د ګډونوالو د سمبالښت لپاره اماده کړی. دی ته وایی غیرت.
د خیبر د جرګی پریکړه چی وایی « مونږ ډیورنډ لاین په رسمیت نه پیژنو» دا ددی معنی ورکوی چی پښتانه یو ملت دی نه شلیدونکی ملت دی او دا زمونږ د پښتونوالی او وراثت اصلی ثبوت او  سند دی.
د پشتون د تحفظ ژغورنی د عدالت په لویه سراسری ملی جرګی کی د اسفندیار ولی او ایمل ولی اشتراک دا هم وښوده چی پښتانه نور د غفلت له خوبه بیدار شوی  ، تربنګی یی شاته پریښی او د خپل مستقبل په فکر کی دی.
پدی لویه ملی جرګه کی د نر مفتی منیر شاکر حضور هم د ستایلو وړ دی.
ګیله من شاعر به ویل.
د پښتنو په قتل عام خاموش ملک او ملا
له تاسو دومره ګیله من یمه چی حد نلری.
ای عظیم شهیده ګیله منه. دادی اوس ستا ګیله پوره شوه ، ستا باتورو ورونو ، پلارونو ، خویندو او مایندو د خیبر د درګی په سوزانه دشته کی ستا ارمان پوره کړ خو افسوس چی تا په خپلو سترګو د دی لوی ارمان پوره کیدل ونه لیدل.

۱۰/۱۴/ ۲۰۲۴