سورۃ الأنبیاء

سورۃ الأنبیاء د “سورۃ الاستجابة” په نوم هم یادیږي ځکه چې پکې د دعاؤ د قبولیت ذکر په مکرره توګه راغلی دی، او “فاستجبنا له” دا لفظ په څو ځایونو کې استعمال سوی، چې بل کومه سورۃ کې دومره نه دی راغلی. کله چې ټولې لارې تړل سوې وي او تاسې ته یوازې د یوې آسمانې دروازې د پرانیستو امید وي، نو دا سورۃ الأنبیاء ده چې د دعاؤ د قبولېدو کلیانې برابروي.

لومړۍ کيلي: د حضرت نوح علیه السلام دعا چې په سختو حالاتو کې سوې وه: “وَنُوحًا إِذْ نَادَىٰ مِن قَبْلُ فَاسْتَجَبْنَا لَهُ فَنَجَّيْنَاهُ وَأَهْلَهُ مِنَ الْكَرْبِ الْعَظِيمِ”

دویمه کيلي: د حضرت ایوب علیه السلام دعا چې د ناروغۍ او صبر په وخت کې شوې وه: “فَاسْتَجَبْنَا لَهُ فَكَشَفْنَا مَا بِهِ مِن ضُرٍّ ۖ وَآتَيْنَاهُ أَهْلَهُ وَمِثْلَهُمْ مَّعَهُمْ رَحْمَةً مِّنْ عِندِنَا وَذِكْرَىٰ لِلْعَابِدِينَ”

دریمه کيلي: د حضرت یونس علیه السلام دعا چې د غم په وخت کې شوې وه: “فَاسْتَجَبْنَا لَهُ وَنَجَّيْنَاهُ مِنَ الْغَمِّ ۚ وَكَذَٰلِكَ نُنجِي الْمُؤْمِنِينَ”

څلورمه کيلي: د حضرت زکریا علیه السلام دعا چې د اولاد لپاره شوې وه: “فَاسْتَجَبْنَا لَهُ وَوَهَبْنَا لَهُ يَحْيَىٰ وَأَصْلَحْنَا لَهُ زَوْجَهُ”

دا کلیانې یواځې د انبیاؤ لپاره نه دي بلکې د ټولو بندګانو لپاره دي، لکه څنګه چې په قرآن کې راغلي دي:

“رَحْمَةً مِّنْ عِندِنَا وَذِكْرَىٰ لِلْعَابِدِينَ” (دا د ټولو عبادت کوونکو لپاره نصیحت دی او د الله رحمت پرې نازل کیږي)

“إِنَّهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا ۖ وَكَانُوا لَنَا خَاشِعِينَ” (دوی هغه خلک دي چې په نېکیو کې تلوار کوي او موږ ته په خشوع او خضوع سره دعا کوي)

دا سورۃ موږ ته دا یادونه کوي چې کله هم کومه ستونزه وي یا دعا قبوله نه وي، الله ته رجوع وکړئ او د انبیاؤ په شان د استقامت سره دعا وکړئ.