په دې ورځ، د وزیرستان په یوه لیري کوچني کلي کي، د یو عادي معلم په کور کي، زوی وزېږېد. هيڅوک نه پوهېده چي دا ماشوم به څوک وي، څه به جوړېږي او څه به کوي. خو د ده وجود په خپل منځ کي یو لوی ارمان، یو انقلابي فکر او د ولس لپاره یو سرشار عزم درلود. نوم يې “منظور” پر کښيښود. منظور، چي د خبرو طاقت یې وموند، د خپل نوم سره یې د خپلي قبیلې نوم “محسود” غوټه کړ. د ده دا تړاو یوازي د نوم نه، بلکي د مسؤلیت، قربانۍ او میني سره و.
د شپې او ورځي یې د خپل قوم او قبیلې د ځوانانو ترمنځ تګ راتګ پیل کړ. هغوی به یې په جوماتونو، حجرو، تر ونو لاندي او پوهنتونونو کي راغونډول او د قام پر ستونزو به یې ورسره بحث کاوه.
د منظور محسود اخلاص، صراحت او د قوي هوډ په پایله کې د هغه ناپېژندلی غږ ډېر ژر د پښتون ولس تر غوږونو ورسېد، حتی هغه وخت چې نوموتی نه و، خلکو یې خبري په ژورېږي لېوالتیا اورېدې. د ده لوی فکر او د آزادۍ غوښتني ارمانونه د یوې ”قبیلې“ په محدودیت کي نه سوای ځایېدلی؛ بلاخره، هغه یوه ملي غږ سو، ډېر ژر یې د خپل عظمت ننداره د قبیلې له کوچنۍ دایرې بهر وښوده. ”محسود“ په ”پښتون“ بدل سو، او وزیرستان د پښتونخوا او ”لوی“ افغانستان په بڼه پر لویو جغرافیایي او ملي مفاهیمو واوښت. دا ساده او ملنګ مزاجه انسان د خپل حقانیت او لویو ملي ارمانونو له برکته د پښتنو په منځ کي د انقلابي غږ په بڼه راپورته سو، د وزیرستان له درو راوتلی یو داسي غږ چي د پښتنو په ښارونو، کلو او بانډو کي یې له لسیزو وروسته، د ازادۍ هیله وټکوله.
د منظور آواز ډېر ژر د پښتونخوا له غرونو، د پامیر تر لوړو او د هندوکش تر څوکو ورسېد، او د دې پراخي سیمي هر وګړی یې پر دغه عظمت باورمن کړ.
نن د دې ستر انسان د زېږېدنې ورځ ده. هو! د منظور پښتین د زېږېدني ورځ، هغه نن ۳۰ کلن سو. لا ځوان دی الحمدالله! او تر هغو چي یې د جګړمار دریاب لمنځه د پښتنو زخمي او طوفاني بېړۍ تر ساحله رسولې نه وي، دی به همداسي ځوان وي انشاالله.
له څه وخت راهیسي چي د پښتنو منځته راغلی، بیا همدلته پاته سوی. پخپل وطن کي له خپلي کورنۍ مسافر دی. وايي چي ”د هغو ماشومانو حالت را ایاد کړم چي پلرونه یې د پښتنو دښمن (پاکستان) ژوندي ورک کړي، ماته د خپلو بچو سره وخت تېرول، یو ډول شرم ښکاره سي.“
د زوکړي ورځ د نېکمرغه مشره!
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.