په زړه پوري داستان

ښوونکي په تخته باندې ولیکل چې 1 له 1 سره مساوي دی.
یو زده‌کوونکی له ځایه پورته شو او ویې ویل: “ښوونکي صاحب، زه یوه خبره لرم.”
ښوونکي وویل: “بیا وایوه، زویه؟”
زده‌کوونکی وویل: “ښوونکي صاحب، 1 له 1 سره برابر نه‌دی.”
ښوونکي وویل: “راشه، په تخته کې ثابته کړه چې 1 له 1 سره برابر نه‌دی. که دې ثابته نکړه، دلته به سزا ووینې.”
زده‌کوونکی په ډېر ډار او لړزې سره مخکې راغی او ویې ویل:
“ښوونکي صاحب، زه اته کلن یم او علي هم اته کلن دی.
شپه چې د علي پلار کور ته راځي، له علي سره لوبې کوي، خو زما پلار هره شپه چې کور ته راځي، زه یې وهلوم .
ولې علي چې له مکتبه کور ته ځي، په کوڅه کې لوبې کوي، خو زه له مکتبه وروسته کور ته لاړ شم، تله (ترازو) واخلم او کار کووم؟
محسن هم زما په شان اته کلن دی. ولې تل د محسن له کوره د وریژو بوی راځي، خو موږ تل شپه وږې ویده کېږو؟
شایان هم زما په شان اته کلن دی. ولې هغه هر درې میاشتې نوي بوټان اخلي، خو زه درې کاله یوه جوړه بوټان اغوندم؟
حمید هم زما په شان اته کلن دی. ولې تل له مکتبه وروسته له خپلې مور سره پارک ته ځي، خو زه خپلې مریضې مور ته د پښو مساج کوم مخکې له دې چې کار ته ولاړ شم؟”
ښوونکي خپل اوښکې پاکې کړې او په تخته یې ولیکل:
“1 له 1 سره برابر نه‌دی.”
واوره او یخنۍ ځینې خلکو ته هیله ده،
خو ځینې خلکو ته دوزخ.
مهرباني وکړئ له غریبو خلکو سره مرسته وکړئ او درناوی یې وکړئ.

د کنفرانس، سیمینار، برنامې، ترینیګ، ورکشاپ او سمپوزیم ترمنځ توپیرونه