د مینې د تاثیر بيان – لنډه کیسه

 له درى ژبې پښتو ته  ژباړه
نصيراحمد څپاند
یوه کلیواله ښځه چې هېڅکله یې له خپل میړه نه د زړه سواند خبرې نه وې اورېدلې، ناروغه شوه. د هغې میړه چې د موټرسایکل چلوونکی و او له موټرسایکل څخه یې د ښار په بازار کې د مالونو د انتقال لپاره کار اخیست، خپلې مېرمنې ته په لومړي ځل اجازه ورکړه چې د موټرسایکل پر شا کښېني. ښځه په احتیاط سره پر موټر سایکل کښېناسته او له خجالته یې نه پوهېده چې لاسونه چیرته کیږدي. ناڅاپه مېړه یې وویل: “ما غیږ کې ونیسه.”
ښځې وپوښتل: “څه وکړم؟” او کله چې د خپل میړه خبره یې درک کړه، ناڅاپه یې مخ سور شو. په خجالت یې د خپل میړه ملا ته لاسونه ور تاو کړل او ورو ورو یې له سترګو اوښکې وبهېدلې. تر نیمې لارې رسېدلي وو چې ښځې له خپل مېړه وغوښتل چې بېرته کور ته وګرځي. مېړه یې په تعجب سره وپوښتل: “ولې؟ تقریباً روغتون ته رسېدلي یو.” ښځې ځواب ورکړ: “نوره اړتیا نشته، ښه شوم. سر مې درد نه کوي.”
مېړه یې مېرمن بېرته کور ته ورسوله، خو هېڅکله به پوه نه شي چې د هغه دا ساده جمله “ما غیږ کې ونیسه” څومره د خوشالۍ احساس د مېرمنې په زړه کې پیدا کړ، چې په دې لنډه لار کې یې د هغې د سر درد ښه کړ.
مینه دومره ستره ده چې په تصور کې نه راځي. د مینې څرګندول دومره لرې نه دي. یوازې له زړه څخه تر ژبې پورې فاصله لري او بس، او کافي ده چې د خپل زړه خبرې څرګندې کړئ.

د کنفرانس، سیمینار، برنامې، ترینیګ، ورکشاپ او سمپوزیم ترمنځ توپیرونه