د ۲۰۲۴ کال د بوکر جایزه د بریتانیا لیکوالې سامانتا هاروي ته د هغې د لنډ ناول “اوربیتال” له امله ورکړل شوه
فاطمه ملکزۍ
د ۲۰۲۴ کال د بوکر جایزه د بریتانیا لیکوالې سامانتا هاروي ته د هغې د لنډ ناول “اوربیتال” له امله ورکړل شوه. دا جایزه د ۵۰ زره پونډو په ارزښت ده، چې په لندن کې د سه شنبې په ورځ، د نومبر په ۱۳مه، ورکړل شوه.
بوکر جایزه د نړۍ مهمه جایزه ده چې یوازې په انګلیسي ژبه لیکل شویو ادبیاتو ته ورکول کېږي، او دا جایزه هغه لیکوالانو ته ورکول کېږي چې خپل اثر یې په بریتانیا یا آیرلنډ کې خپاره کړی وي. دا جایزه له پنځوسو کلونو زیات تاریخ لري او د نړۍ په کچه لیکوالان یې ستایلي دي.
“اوربیتال” د هاروي پنځم ناول دی او د هغې شپږم کتاب دی. دا ناول د نړیوال فضایي سټیشن کې د شپږو فضانوردانو د یوه ورځې کیسه کوي. په دې ۲۴ ساعتونو کې، فضانوردان ۱۶ ځله د لمر ختو او ۱۶ ځله د لمر لوېدو شاهد وي، او له سیارې څخه په تیریدو کې د ځمکو، یخچالونو، او د اقیانوسونو د څپو منظرې ګوري. د بوکر د هیئت د قضاوت غړو دغه ناول د یوې ښکلې او ګټور اثر په توګه یاد کړی دی چې د ځمکې د ښکلا پر سر د ژوند ارزښت ته هم ژور فکر کوي.
هاروي د ۲۰۱۹ کال راهیسې لومړۍ ښځینه لیکواله ده چې دغه جایزه یې ګټلې ده. د دې کتاب پلور په بریتانیا کې د بوکر د وروستیو درې ګټوونکو کتابونو ټول پلور څخه زیات دی، او دا لومړی کتاب دی چې د فضاء په اړه دی او د بوکر جایزه یې ترلاسه کړې ده.
دا کتاب یوازې ۱۳۶ مخونه لري .
د بوکر د ۲۰۲۴ کال د قضاوت کمیټه، چې په هغې کې د مشهورو لیکوالانو او هنرمندانو نومونه هم شامل دي، د “اوربیتال” کتاب د حیرانوونکي تاثیر لرونکی اثر په توګه وښود.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.