کله چې پوخوالي ته ورسېږئ (نظیفه دفتاڼۍ)

کله چې د خپل عمر پوخوالي ته ورسېږئ،
پوه به شئ چې په ژوند کې ډېر ځوابونه په سکوت کې نغښتي دي، نه په خبرې کولو کې.

کله چې پوخ والی ترلاسه کړئ،
په دې به وپوهېږئ چې هره لار ستاسو لپاره نه ده. ځینې لارې یوازې د تجربې لپاره دي، نه د رسیدو لپاره.

کله چې پوخ والی ترلاسه کړئ،
پوه به شئ چې د خلکو د تایید غوښتل یوه بې ګټې هڅه ده. تر ټولو غوره تایید ستاسو د زړه سکون دی.

کله چې پوخ والی ترلاسه کړئ،
پوه به شئ چې ماتې یو زوال نه،بلکې د بریا یوه پخه لاره ده. تاسو به په خپلو نیمګړتیاوو کې فرصتونه ومومئ.

کله چې پوخ والی ترلاسه کړئ،
درک به کړئ چې هره اړیکه د دوام لپاره نه ده. ځینې خلک یوازې د درس په توګه ستاسو ژوند ته راځي او بیا ځي.

کله چې د خپل عمر په دې پړاو کې ودرېږئ،
پوه به شئ چې د ژوند اصلي خوند په کوچنیو شېبو کې دی: د ماشوم خندا، د باد یوه نرم څپېړه، او د شفق رنګونه.

کله چې پوخ والی ترلاسه کړئ،
پوه به شئ چې د پخلاینې ځواک ستاسو په کمزورتیا کې نه دی، بلکې ستاسو په زړورتیا کې دی. د مغرور نه، بلکې د هوښیار په څېر وبښئ.

کله چې پوخ والی ترلاسه کړئ،
درک به کړئ چې ستونزې یوازې د ودې لپاره دي، نه د پرېښودلو لپاره. د هرې ستونزې تر شا یو نوی درس نغښتی دی.

کله چې پوخ والی ترلاسه کړئ،
پوه به شئ چې هیڅوک ستاسو لپاره ستاسو خوشالي نشي پیدا کولی. هغه یوازې ستاسو په خپل لاس کې ده.

کله چې پوخ والی ترلاسه کړئ،
پوه به شئ چې تل هڅه وکړئ چې مهربانه اوسئ. ځکه چې مهرباني هغه تحفه ده چې هېڅکله نه زړېږي.

کله چې د خپل عمر پوخوالي ته ورسېږئ،
پوه به شئ چې د ژوند اصل سکون دی. هر څه چې سکون واخلي، هغه په حقیقت کې ارزښت نه لري.

کله چې پوخ والی ترلاسه کړئ،
پوه به شئ چې نه هره جګړه ګټل اړینه ده او نه هره جګړه پیل کول د ارزښت وړ دي. ځینې جګړې په پرېښودلو کې بریا لري.

کله چې پوخ والی ترلاسه کړئ،
درک به کړئ چې د خلکو په منځ کې یوازې اوسېدل د هغوی په زړونو کې د ځای پیدا کولو په معنا نه دی. اصلي اړیکه په اخلاص او ژمنتیا کې ده، نه په شمېرو کې.

کله چې پوخ والی ترلاسه کړئ،
پوه به شئ چې وخت د ژوند تر ټولو ارزښتناک پانګه ده. هغه خلک او کارونه غوره کړئ چې ستاسو وخت د ارزښت وړ وګرځوي.

کله چې د خپل عمر پوخوالي ته ورسېږئ،
درک به کړئ چې سکون یوازې په خاموشۍ کې نه دی، بلکې په مننې کې هم دی. هره شېبه د یوه نعمت په سترګه ورته وګورئ.

کله چې پوخ والی ترلاسه کړئ،
پوه به شئ چې ماضي د زده کړې لپاره ده، نه د ژوند لپاره. خپل پام په راتلونکي باندې متمرکز کړئ، ځکه چې د ژوند ټول فرصتونه په راتلونکي کې دي.

کله چې د خپل عمر پوخوالي ته ورسېږئ،
پوه به شئ چې تېر شوي وختونه بیا نه راګرځي. خو د هغوی یادونه کولی شي چې تاسو ته د نوي ژوند جوړولو انرژي درکړي.

کله چې پوخ والي ته ورسېږئ،
درک به کړئ چې اصلي شتمني په شتمنۍ کې نه ده، بلکې په سولې او خوښۍ کې ده چې ستاسو په زړه کې وي.

کله چې پوخ والي ته ورسېږئ،
پوه به شئ چې د هر انسان شاته یوه نه لیدل شوې کیسه ده. مخکې له دې چې قضاوت وکړئ، هڅه وکړئ چې درک یې کړئ.

کله چې پوخ والي ته ورسېږئ،
درک به کړئ چې ژوند نه یوازې په رسېدو، بلکې په سفر کې دی. د هرې شېبې خوند واخلئ، چې وخت په تمه نه پاتې کېږي.

ځکه پوخوالی یوازې د عمر اضافه کېدل نه دي، بلکې د ژوند د معناداره لید نوم دی.

!کله چې اوسپنې واک واخلی