د ننګرهار پوهنې ریاست کې یوه باوري سرچینه تاییدوي، چې طالبانو د دغه ولایت په یو شمیر ولسوالیو کې محلي ټولګي تړلي دي.
د سرچینې د معلوماتو له مخې دغه ټولګي نن (شنبه، ١٠ د لېندۍ) په کامې، دوربابا، روداتو، مومندرې، کوټ، بټي کوټ او بهسودو ولسوالیو کې د پوهنې وزارت لپاره د طالبانو د سرپرست د امر پر اساس تړل شوي دي.
د سرچینې په وینا، دغه سیمه ییزو ټولګیو د پوهنې وزارت تر چتر لاندې د یونېسف په ګډون د یوشمېر نورو نړیوالو موسېساتو په مالی لګښت فعالیت کاوه.
په همدې حال د ننګرهار په بهسودو ولسوالۍ کې د محلي ټولګیو یو ښوونکي هم د نوم نه ښودلو په شرط وایي، چې یاد ښوونځی د طالبانو د پوهنې وزارت د یو مکتوب په اساس نن تړل شوي او دوی خپل زده کوونکي رخصت کړي دي.
تراوسه د طالبانو پوهنې وزارت په دې اړه په رسمي ډول څه نه دي ویلي.
خو، له دې څو ورځې وړاندې په هلمند، ارزګان، کندهار او زابل ولایتونو هم یاد محلي ټولګي تړل شوي وو.
بلخوا د طالبانو د پوهنې وزیر مولوي حبیبالله اغا تېره اوونۍ په خوست ولایت کې د یوې غونډې پرمهال ویلي و، چې وزارت یې تر شپږم ټولګي پورې د نوي تعلیمي نصاب کار بشپړ کړی دی.
د نوموړي په خبره په نوي تعلیمي نصاب کې دیني برخه بډایه شوې او د تاریخ په کتابونو کې د نړیوالو شخصیتونو پرځای د افغان اتلانو پېژندنې ته پام زیات شوی دی.
اطلاعات روز
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.