سوریه

شام ( سوریه ) د انبیاو ټاټوبی دی.
پیغمبر علیه السلام فرمایلي:
اللهم بارك لنا في شامنا، اللهم بارك لنا في يمننا….
د تحریر الشام بریالي پرمختگ ته ټول خوشاله یو، ځکه چې:
۱- موږ‎ ته ھغوی د ظالم، مستبد، علوي او بعثي کمونست بشار الاسد څخه د سوریې د خلاصون پریښتې ښکاري
۲- تحریر الشام او مشر یې ابو محمد الجولاني سنیان دي او ….
خو آیا دې ته مو کله پام کړ‎ی، چې:
۱- دا جگړ‎ہ د اسرائیلو او ناټو گډ پلان و
۲- اسرائیلو لومړ‎ی حماس، او بیا په لبنان کې حزب الله را وپرځاوہ او په کومه ورځ چې حزب الله د اجباري سولې دیارلس فقرہ ایز تړ‎ون ( تسلیمۍ ) لاسلیک کړ‎، په سبا یې د سوریې عملیات پیل شول
۳- اسرائیل په سیمه کې د لوی اسرائیل جوړ‎ولو خنډونه یو په بل پسې له منځه وړ‎ي
۴- ایران چې ھم د لوی اسرائیل د جوړ‎یدو په مخکې خنډ دی، کرار کرار منزوي او ضعیف کیږ‎ي
۵- غرب د اسد رژیم په پرځیدو د سوریې تیلو او نورو طبیعي زیرمو ته نیغ په نیغ لاسرسی پیدا کوي، دا ھماغه د لیبیا او قذافي د سنیاریو تکرار دی؛ لیبیا اوس عملاً د ناټو په لاس کې دہ
۶- که دا ومنو چې داعش د انگریز، فرانسې، اسرائیل او امریکا د استخباراتي سازمانونو پیداوار دی نو بیا به څرنگ وکولای شو ابو محمد الجولاني چې د داعش د مشر ابو بکر البغدادي ښي لاس و، له دې تور څخه بچ کړ‎و؟!
۷- ابو محمد الجولاني ته غرب ھماغسې تبلیغاتي کمپاین وکړ‎، مدبر، عالم او سیاست پوہ مشر یې ثابت کړ‎ لکه څرنگ یې چې غني پر موږ‎ د نړ‎ۍ دویم مفکر، د ماتو ھیوادونو جوړ‎ونکی او نورو ښو نومونو تیر کړ‎؛ لکه څرنگ یې چې د یوکرائن پر ولس یو کومیډین فلمي اداکار زیلنسکي د ستر رھبر په نوم وتپلو!
که متوجه شو، د جولاني پر سر لس میلوني جائزہ، او په تعقیب یې د ھغه د غربي رسنیو لکه سي إن إن او نورو سرہ مرکې د ھغه لپارہ د تشھیر او محبوبیت پیدا کولو کمپاین و!
که پام وکړ‎و، غربي رسنیو د سوریې پرمختگونو ته خاص کوریج ورکاوہ، پیشو د خدای لپارہ موږ‎ک نه نیسي
۸- جگړ‎ہ په امکاناتو، وسلو او پیسو کیږ‎ي. تحریر الشام ته وسلې او پیسې چا ورکولې؟
ځواب یې دی: ترکیې!
او ترکیې دا مصارف د کومه کول؟ ځکه د ترکیې اقتصاد خو د داسې یوې جگړ‎ې بوج پخپلو اوږ‎و نشو وړ‎لای؟
ځواب: ترکیه د یھودي عیسوي، زاینوست ائیتلاف ( ناټو ) دایمي غړ‎ې دہ.
دا مصارف ھم ناټو ورکول او په سیمه کې د روسانو په موجودیت کې ترکیې ته د بربنډې لاسوھنې جرئت ھم!

راتلونکې څرنگ ښکاري؟
ځینو ھیوادونو پورې خپل ښایست غم وي. عراق، لیبیا، سوریې که پریمانه تیل او نورې طبیعي زیرمې نه لرلای، ښایي د مکارو استعمارگرو لاسونه په یوہ او بله بھانه نه وای ور رسیدلي.
اردن چې د ھمدې زرخیزې او په قدرتي زیرمو مالامال سیمي په منځ کې پروت دی، ھیڅوک پرې نه بلوسي، ځکه د اردن ۹۰ سلنه ځمکه بې اوبو او بې طبیعي زیرمو وچه صحرا دہ او ھمدا لامل دی چې ھلته جگړ‎ہ نشته!
د سوریې تر را پرځولو پس ښایي په عراق کې د شیعه او سني تر منځ د جگړ‎ې اور ته لمن و وھل شي تر څو:
۱- اسرائیل نړ‎ۍ ته دا ثابته کړ‎ي چې ھغوی د مسلمانانو سرہ په جگړ‎و کې پړ‎ہ نه دي، بلکې دا مسلمانان دي چې ان پخپلو کې ھم لکه وحشي ځناور د یو بل وینو ته تږ‎ي دي
۲- د شیعه سني جگړ‎و له لیارې د مسلمانانو مجموعي طاقت را کمزوری کړ‎ي
۳- د لوی اسرائیل د جوړ‎یدو لپارہ اسانتیاوې را منځته کړ‎ي
او یا ښایي تر سوریې پس د یمن د ایل کولو نخچه وي. ځکه یمن د خپل سوق الجیشي اھمیت له مخې تل د غرب او اسرائیلو گټې د خطر سرہ مواجه کوي
راځئ! دا راتلونکي وخت ته پریږ‎دو چې د چا وار لومړ‎ی راځي، عراق، که یمن او که دواړ‎ہ؟

پایله ( څه باید وکړ‎و ؟ )

دې کې شک نشته چې موږ‎ د انساني تاریخ په آخري پړ‎او کې ژوند کوو!
دا ھماغه زمانه دہ چې زموږ‎ په دیني نصوصو کې د دجل، فریب او فتنو زمانه گڼل شوې.
مرحوم استاد الفت وایي:
ډیر څه و منل، ھغه وروسته غلط وختل
ډیر څه مو رد کړ‎ل، چې نن علم او حکمت و منل
رحمان بابا وایي:
حقیقت په دنیا دومرہ دی نایابه
چې سیند نشم پیژندلای له سرابه

نو ځکه موږ‎ او زموږ‎ حکومتي نخبه گان باید په دې او دیته ورته نورو قضیو کې د غربي نړ‎ۍ د رسنیز جال په لومو کې و نه نښلي بلکې د خپل علمي بصیرت، او د مومن فراست څخه کار واخلي!
یو مھال لیبیا د غربي رسنیو د سر ټکی و خو بیا ھضمه شوہ او ھیرہ شوہ.
اوس یې څوک نوم ھم نه اخلي. ھمدا حالت به د سوریې ھم وي.
سوریه د ایران، روس، او چین ملگرې وہ. زموږ‎ حکومت تازہ د روسیې، چین، مرکزي اسیا او ایران سرہ د اقتصادي پیاوړ‎تیا مزي غځوي.
د اسد د مستبد رژیم په پرځیدو موږ‎ ټول خوښ یو خو د سوریې سرہ د اسلامي وروگلوی ور اخوا نور ھیڅ مشترکات نه لرو!
نو ھڅه باید وکړ‎و د مسائلو عمق درک کړ‎و، په احساساتي پریکړ‎و او بې ځایه حرکاتو ځان ته په سیمه کې نورې ستونزې و نه زیږ‎وو!
والله المستعان
____________________________

حفیظ الدین پیرزادہ
د دسمبر اتم ۲۰۲۴ م
لندن

د کار اھل چاته وایي؟