د سوریې سقوط – لومړۍ برخه

که موږ‎ خپلو دیني مدارکو او نصوصو ته مراجعه وکړ‎و نو پوہ به شو چې د انساني تاریخ په آخري پړ‎او کې قرار لرو.
دا د فتنو، دجل او فریب زمانه دہ. ډیر څه چې موږ‎ ته څرنگ ښکاري یا ښودل کیږ‎ي، حقیقت یې بر عکس وي.
شام او په تیرہ بیا دمشق چې پیغمبر علیه السلام خیر المدائن ( بھتر د ښارونو ) بللی، د تاریخ په دې مھم پړ‎او کې د ځانگړ‎ي فضیلت او اھمیت لرونکی ښار دی.
دا ښار به د الملحمة الکبریٰ یا سترې جگړ‎ې ( غالباً دریمه نړ‎یواله جگړ‎ہ) پر مھال د مرکزي کردار څښتن وي.
ھمدا راز د صحیحو احادیثو څخه دا ثابته دہ چې عیسی علی نبینا و علیه السلام به ھم په ھمدې ښار کې نزول کوي.( د بې ځایه طوالت له ویرې، تفصیل ته پکې نه ځم ).
سوریه تر حماس او لبنان پس، د اسلامي قلمرو دریمه مورچه دہ چې پر اسلامي جذبې سمبال ځوانانو د امریکا، اسرائیل، قطر، ترکیې او ناټو په مستقیمه مرسته فتحه کړ‎ہ.
دا جگړ‎ہ، د سوریې د تسخیر د قوماندې مرکز څخه چې په ترکیه کې دی د اسرائیلي، امریکایي او ترکي فوځي پرسونل لخوا رھبري کیدہ.
د سوریې په جگړ‎ہ کې د منافقې ترکیې رول بالکل ھماغه و، کوم چې د افغانستان په دواړ‎و جھادونو کې د منافق پاکستان و.
یانې د یو څو پیسو لپارہ خپل مسلمان گاونډی ورور کفارو ته را څملول!
که د سوریې پر حالاتو پوھیدل غواړ‎و، نو راځئ یو څو کاله شاته لاړ‎ شو.
د غرب او اسرائیلو سیاسي دکتورینو او پالیسي جوړ‎ونکیو په عربي ټولنو کې د فساد، بیکارۍ، سیاسي استبداد او قدرتي انحصار څخه د ناراضه ولس د قھر، غصې او انزجار څخه په گټه اخیستنې د عرب پسرلي ( الربیع العربي ) طرحه جوړ‎ہ او د یوې ښې موکې په څاو کې کیناستل.
دا موکه ورته ډیر ژر په لاس ورغله.
په ۲۰۱۰ م کې په تونس کې د محمد البوعزیزی په نوم یو ځوان ځانته اور واچوہ.
خواله او نورو غربي رسنیو دې تراژیدي واقعې ته ھوا ورکړ‎ہ. غربي رسنیو، ټولنیزو بریښنایي پاڼو او په ځانگړ‎ي ډول فیس بک د یوہ ولسي پلیټ فارم په توگه د خلکو انسجام، د خبرونو خپراوی او د ولسي ذھنیت جوړ‎ونې په عمل کې رغندہ رول ولوباوہ، چې په پایله کې یې د ولسي تظاھراتو پر مټ په تونس، لیبیا، مصر، او یمن کې د زین العابدین، معمر القذافي، حسني مبارک او علی عبدالله الصالح مستبد رژیمونه ړ‎نگ شول.
دا رژیمونه یواځې ولسي تظاھراتو ړ‎نگ نه کړ‎ل بلکې د پردې تر شا د ناټو او اسرائیلو پوځي مداخلو یې په را پرځونه کې اصلي کردار لوبولی دی. د بیلگې په توگه د معمر القذافي حکومت د ناټو ھوایي بمباریو او د سترو میزائلو حملو را وپرځاوہ.
په ۱۹ مارچ ۲۰۱۱ م کې بي بي سي پخپل راپور کې وویل: امریکا، انگلستان، او فرانسې د خپلو کروز میزائلو په لومړ‎ۍ حمله کې د لیبیایي پوځ تر شلو زیات مرکزونه تخریب کړ‎ل.
د بي بي سي په قول د پنټاگون د یوہ راپور له مخې یواځې ھماغه مھال ( فبروري-اپریل ۲۰۱۱ م ) امریکا او انگلستان د لیبیا پر پوځي تنصیباتو تر ۱۱۰ ډیر کروز میزائل توغولي او د فرانسې د ھوایي بریدونو په پایله کې د بن غازي او څو نور ښارونه د جیش التحریر الوطني اللیبي او نورو آزادي غوښتونکیو (!) ملیشو لاسونو ته لویدلي و.
ھمدا راز په نورو عربي ھیوادونو لکه مصر، تونس، یمن، بحرین او سوریه کې د عرب پسرلي د تظاھراتو انسجام، او وسله والو ته یې د وسلو، پیسو، نخچو او نورو امکاناتو برابرول د یوہ نامرئي لاس په توگه د یھود او غربي ائیتلاف کار او لاسته راوړ‎نه وہ. یواځې بحرین چې قاطع اکثریت یې شیعه گان دي، د ولسي مظاھرو پر مټ ځکه و نه پرځید، چې مستبد سني حاکم ته یې د سعودي، کویت او اماراتو پوځي مرسته را ورسیدہ او غربيانو یې ھم په پرځیدو کې چندان دلچسپي نه لرله.

که د سوریې مرستې ته روسیې او ایران را دنگلي نه و، نو ھغه به ھم لا پخوا، غالباً ۲۰۱۲ م کې د لیبیا په برخلیک اخته شوې وہ.
خو اوس، سوریه د قطري شیخانو او اردوغاني سیکولر قومپرستانو په لاس پر صھیونستانو وپلورل شوہ.

پایله
لکه څرنگ چې زموږ‎ ځینې جذباتي ملگري ورته خوشاله دي، د سوریې د بخت ستوری پر ھغه خوا نه دی روان.
سوریه د یوې سیاسې موامرې په ترڅ کې نړ‎یوال صھیونیزم ماته کړ‎ہ تر څو د لوی اسرائیل د جوړ‎یدو د لارې دا خنډ ھم د منځه لاړ‎ شي.
غرب او اسرائیلو د منافقې ترکیې او وھابي قطري شیخانو په ملاتړ وکولای شو سوریه تسخیر کړ‎ي.
لکه څرنگ چې یو مھال زموږ‎ ډیری اسلامپالو جذباتي ملگرو په لیبیا کې د مطلق العنان معمر القذافي را پرځیدو ته لاسونه پړ‎کول، اوس ھماغه دوستان د بشار الأسد پر نابودۍ د الله اکبر چیغې وھي.
لکه څرنگ چې متحدہ لیبیا پر ملوک الطوایفي بدله شوہ، ټولې طبیعي زیرمې یې د غرب لاسونو ته لاړ‎ې او اوس یې په رسنیو کې څوک نوم ھم نه اخلي، ھمدا کار د سوریې سرہ روان دی.
قذافي او اسد خراب وو ځکه، دیکتاتوران وو خو په موجودیت کې یې لیبیا او سوریه متحد ول.
د سوریې برخلیک چې په بدلون کې یې د اسلام د دښمنانو لاس دی، بې له شکه د لیبیا پڅیر د خراب څخه د خراب تر پر لور روان دی!
ابو محمد الجولانی به راسخ العقیدہ مسلمان ځوان وي، ھمدا راز د تحریر الشام، جبھة النصرة او نورو اسلامي خوځښتونو متحدین یې ھم.
خو د بشار الاسد پر ضد نامتجانس اتحاد چې د ایډیالوژۍ له اړ‎خه د سلفي ( وھابي )، تکفیري، صوفي، نیشنلي، سیکولر او د اسد د رژیم له ناراضه پوځیانو او نورو فریکشنونو جوړ‎ دی, به کله د یوہ رښتیني اسلامي نظام پر پلې کولو سرہ جوړ‎ شي؟!
ښایي سوریه په نژدې راتلونکې کې د یوې بلې خانمانسوزې کورنۍ جگړ‎ې ( لا قدر الله ) کوربه وي!
د دې لیکنې تر وخته، اسرائیلو تر پنځه سوہ زیات او امریکا نژدې ۲۵۰ ھوایي بریدونه د سوریې پر تسلیحاتي مرکزونو او په مدیترانه کې د ھغې پر سمندري بیړ‎یو کړ‎ي.
اسرائیلو د جولان په لوړ‎و کې د یھودو ابادکاري دوہ چندہ کړ‎ې او قواوې یې په دمشق کې د سلطان صلاح الدین ایوبي رحمه الله د مدفن تر دیرش کیلومترۍ ور رسیدلي.
د سوریې کلکه ھوایي دفاع او سمندري ځواک د منځه وړ‎ل شوی.
د سوریې مجاھدینو لا ھیڅ بالفعل عکس العمل نه دی ښودلی. تحریر الشام ھغه مھال ھم د اسرائیلو خلاف عملاً څه نه کول، کله چې یھود په غزہ کې د حماس او په لبنان کې د حزب الله پر بیخ کنۍ لگیا و.
اوس چې دا مجاھدین د سوریې واکداران دي، نه پوھیږ‎م لاندې پوښتنو ته به کوم ځواب ولري:
۱- آیا د یھودو د تیري ځواب به ورکړ‎ي؟!
دوی خو اوس د سوریې په شمال کې د ترکیې د خوشالۍ لپارہ د مسلمانو کردانو سرہ په داسې یو حالت کې په جگړ‎ہ بوخت دي چې اسرائیل د دمشق شاوخوا ته رسیدلي.
۲- د ااا سرہ به یې تعامل څرنگ وي؟
آیا اما رت به چې د خپلو ټولو نیمگړ‎تیاو سرہ د نړ‎ۍ پر مخ یواځیني سوچه اسلامي نظام دی، په رسمیت وپیژني؟
۳- د افغانستان ځیني شیعه ځوانان د ایراني اخوندانو، او خاینو افغان شیعه جنگ سالارانو لکه محقق، خلیلي لخوا په فاطمیون او نورو جنگي گروپونو کې ځای پر ځای شوي او سوریې ته د جگړ‎ې لپارہ استول شوي و.
آیا ام ارت یې د بیرته را ستنیدو په اړ‎ہ کوم فکر کړ‎ی؟ آیا سوریې یې په اړ‎ہ کومه پریکړ‎ہ کړ‎ې؟
د دې ځوانانو راتلونکی به څه وي؟
وطن ته راستنول یې یو جنجال او پریښودل یې بل!!

۴- آیا تحریر الشام به د را منځته شوي غیر متجانس اتحاد له لیارې وتوانیږ‎ي په سوریه کې د یوہ رښتیني اسلامي نظام بنسټ کیږ‎دي؟
۵- د سوریې نوی نظام به په التنف او نورو ځایونو کې د امریکایي پوځي اډو سرہ څه کوي؟
که دا اډې پاته وي نو د داسې یو اسلامي نظام شرعي حیثیت به څه وي چې د حربي کفارو د نظامي کمپ تر سیوري لاندې جوړ‎یږ‎ي؟
۶- د سوریې نیم نفوس د تیرې یوې نیمې لسیزې په اغتشاش کې بیځایه شوی.
تحریر الشام به یې د بیرته را ستنولو او بیا ابادکارۍ دې سترې ننگونې ته څرنگ ځواب وایي؟

زہ داسې انگیرم چې محمد الجولاني او نور جذباتي مسلمان ځوانان به د تیکنالوژۍ په دې عصر کې، دمشق او نورو ښارونو په واټونو کې پر سرونو او مټو د الله اکبر پټۍ تړ‎لې، وسلې په لاسونو کې د خپلې بریا نمانځنه داسې مھال د الله اکبر په نعرو کوي چې فضا او سمندر به یې د ناټو او یھودو تر کنترول لاندې وي.
ښایي د سوریې تر وھلو او ھضمولو وروسته د عراق، یمن او ورپسې د ترکیې یا پاکستان وار وي، تر څو ایران په سیمه کې منزوي او بیا ووھل شي، تر څو د لوی اسرائیل د جوړ‎یدو په مخکې ھیڅ تھدید پاته نشي!

والله المستعان
__________________________

حفیظ الدین پیرزادہ
د دسمبر ۱۷/ ۲۰۲۴ م
لندن

سوریه