د کابل امنیت

پرون سھار لمانځه مھال، زما یو خپلوان د ارزان قیمت څخه ښار ته تللو.
د کور مخې ته د رکشې په انتظار ولاړ‎ و چې عمومي سړ‎ک ته یې یوسي.
ھغه مھال، یو کرولا ډوله موټر راغلی او ورته ویلي یې و، ھغوی ھم ښار ته ځي.
زموږ‎ خپلوان موټر ته پورته شوی، په موټر کې له مخکې څخه څلور کسان موجود وو.
خپلوان مې ویل: یو ناڅاپه چا په سترگه گوزار راکړ‎، بیا په سر ووھل شوم، نور مې بس دومرہ یاد دي چې جیبونه یې را تالاشي کړ‎ل، موبائل او پیسې یې واخیستې او بیا یې د روان موټر څخه بیرون گوزار کړ‎م.
دوہ ھفتې مخکې، غلو د ھمدې ارزان قیمت په کومه فرعي کوڅه کې یو ریکشاوان چې غلو ته یې د پیسو او موبائل له ورکړ‎ې انکار کړ‎ی و، په چاقوگانو وھلی او وژلی و.
تیر اوړ‎ی چې زہ کابل کې وم، په ارزان قیمت کې د خپل یو نژدې عمر خوړ‎لي دوست پوښتنې ته تللی وم. ھغه ته چا د کوم بھرني ھیواد څخه څه پیسې را لیږ‎لې وې.
غلو تر کورہ تعقیب کړ‎ی و، بیا یې کور ته ورغلي وو، نه یواځې ھغه پیسې بلکې په کور کې موجود زیور یې ھم ترې اخیستی و.
د غلا، شوکو،ډاکو او اختطافونو دا کیسې په ټول کابل کې خو په ځانگړ‎ي ډول په ارزان قیمت او ورسرہ شاوخوا سیمو کې اوس عامې شوي.
ما د ھرې داسې پیښې تر اوریدو پس متأثر شوي کس ته د پولیس او امنیتي حوزو سرہ د اړ‎یکو نیولو توصیه کړ‎ې خو د ھر یوہ ځواب دا وي؛ پولیس ھیڅ نه کوي، که نه د ارزان قیمت په ھر سړ‎ک کامرې نصب دي چې که امنیتي ارگانونه وغواړ‎ي د موټر یا رکشې د نمبر پلیټ له لیارې ھم مجرمین پیدا کولای شي! ځینې خو لا ان تر دې ھم مخکې ځي او وایي غله د امنیتي کسانو سرہ په ھماھنگۍ د ھمدې کمرو په مرسته شوکې کوي!

اصلي ستونزہ
لوی ښارونه لویې ستونزې لري. که د کابل امنیت د نیویارک، لندن، پاریس یا کوم بل پرمختللي ھوسا غربي ھیواد له کوم لوی ښار سرہ پرتله کړ‎و نو وبه وینو چې ھلته داسې پیښې تر کابل په مراتبو زیاتې پیښیږ‎ي، د بیلگې په توگه په نیویارک کې چې څومرہ امنیتي پیښې په یوہ ورځ کې پیښیږ‎ي، ښایي په ھغه کچه په کابل کې په څو میاشتو کې پیښې نه شي!
اصلي ستونزہ د غلا او شوکو واقعات نه دي. دا ھر چرته پیښیدای شي. اصلي ستونزہ دا دہ چې امنیتي ارگانونو د ولس په سترگو کې خپل باور له لاسه ورکړ‎ی.
دا چې ولسي وگړ‎ي په خپلو امنیتي ارگانونو دومرہ بې باورہ وي چې د یوې حادثې تر پیښیدو پس د پولیسو حوزو ته د خبر ورکولو لپارہ نه ورځي او یا دا چې وایي: غلا او شوکې د نصب شویو کمرو په مرسته د امنیتي کسانو سرہ په ھمغږ‎ۍ ترسرہ کیږ‎ي، ھمدا اصلي ستونزہ او د تأمل ځای دی!

پایله
وایي یو ھندو چرته په کومه چینه کې لمبل. ھلته پر لارہ یو څو جینکۍ تیریدې.
یوې جینۍ ھندو ته په کتلو، ھغې بلې ته ویلي و:
وای! د ھندو ماما څنگه سپینه ک و ن ہ دہ!!
ھندو د خبرې په اوریدو پرې غږ‎ کړ‎ی و:
بي بي جانې! ھمدا یوہ ک و ن ہ را پاته دہ!
راشئ! دا به ھم تاسې ته درکړ‎م، ستاسې به دوہ شي، زہ به ھسې گرځم!
دوستانو!
اما رت ته ھم اوس یواځې ھمدا امنیت ور پاته دی. که دا یې ھم غلو ته ورکړ‎ نو د ھغوی به دوہ شي او زموږ‎ امنیتي ارگانونه دې کله په فلانکي حفظه الله او کله په بیستانکي حفظه الله پسې ھسې گرځي!!
_______________________

حفیظ الدین پیرزادہ
د جنوري ۴/ ۲۰۲۵ م
لندن

(!)د شرمولو دندہ