له ګډې کورنۍ سره تړاو لرونکي ټول سنجیده خلک دې

له ګډې کورنۍ سره تړاو لرونکي ټول سنجیده خلک دې حتماً دا ولولي.
یوه ښځه سهار وختي له خوبه پاڅېده، د یخچال څخه یې هګۍ راواخیستې، ناری یې تیار کړ، خپله یې وخوړلو او مېړه ته یې ورکړ. مېړه خپل کار ته لاړ، ښځه هم خپل کار ته ولاړه. څو ساعته وروسته مېړه ښځې ته زنګ وواهه او ورته یې وویل چې کور کې لږه ستونزه پیدا شوې ده. ته دې خپلې مور کره لاړه شه، زه به مسله حل کړم او وروسته به دې راوړم.
ښځې پوښتنه وکړه چې څه ستونزه ده؟ مېړه یې موضوع پټه کړه، خو د ښځې په ټینګار یې ورته وویل چې سهار تا چې د یخچال څخه هګۍ رااخیستېوي، هغه مور د خور لپاره ساتلې وې. مور ته داسې ښکاري چې تا دا قصداً کړي دي، نو مور مې لږه خفه ده. ته خپلې مور کره لاړه شه، زه به وروسته درپسې راشم.
ښځې د مېړه خبره ونه منله او نېغې کور ته لاړه. د لارې څخه یې یوه درجن هګۍ راواخیستې او کور ته یې یووړې. کله چې کور ته ورسېده، هګۍ یې د خواښې مخې ته کېښودې او ورته یې وویل: دا هغه هګۍ چې ستاسو لپاره د جنګ سبب شوې ٶ، مونږ دوه هګۍ خوړلې وې، اوس یوولس نورې مې راوړې. مېړه دا خبره واورېده. خواښې زوی ته غږ وکړ او ویې ویل: وګوره، دې ښځې هګۍ زما په مخ کې وغورځولې. اوس دې په خپله ولیدل چې زما سره څنګه بد چلند کوي. ته دې ته طلاق ورکړه.
مسله دومره خرابه شوه چې مېړه هماغلته ښځې ته طلاق ورکړ. د دوو هګیو په سبب یو کور ويجاړ شو.
ګرم څوک دي؟
۱. خواښه چې دومره وړوکي خبره یې د شخړې سبب وګرځوله.
۲. خور، چې خپلې مور ته یې قناعت ور نه کړ او خبره یې نوره هم سړه کړه.
۳. ښځه، چې د مېړه خبره یې ونه منله او په نرمۍ یې چلند ونه کړ.
۴. مېړه، چې د مور د فشار لاندې راغی او په دومره کوچنۍ خبره کې یې طلاق ورکړ.
د دې ستونزې مخنیوی څنګه کېدای شو؟
۱. خواښې باید لوی زړه لرلی وای او هګۍ یې بیا راوړي وای.
۲. خور باید خپلې مور ته د موضوع سړه کولو مشوره ورکړې وای.
۳. مېړه باید موضوع په آرامه حل کړې وای او ښځې ته یې زنګ نه وای وهلی.
۴. ښځې باید د مېړه خبره منلې وای او خواښې ته یې په نرمۍ معذرت ویلی وای.
۵. مېړه باید خپل اعصاب کنټرول کړي وای او دومره لویه پرېکړه یې نه وای کړې.
په ټولنه کې زیاتره شخړې له همداسې وړو مسلو څخه پېلېږي. که یو کس هم په هوښیارۍ او نرموالي سره کار وکړي، نو کورنۍ له ویجاړۍ خوندي کېدای شي. مهمه ده چې د شخړې پر مهال خپل مثبت رول ولوبوئ او د نسلونو تباهي مخنیوی وکړئ.

بشري سرچينې د بدلونونو په درشل کې