د زلنسکي د سیاسي رول پای او زوال

“د امريکا دښمني خطرناکه ده، خو دوستي يې وژونکې.”
زلنسکي، چې د لوېدیځ له ملاتړ سره یې د روسیې پر وړاندې جګړه روانه ساتلې وه، اوس نه یوازې د امریکا له پاملرنې لوېدلی، بلکې سخت سپک شوی هم دی. د امریکا لپاره، چې د جګړې د اوږدولو اصلي ملاتړی و، زلنسکي نور کوم ارزښت نه لري.
د ترامپ او زلنسکي د لېدنې اصلي ټکي:
امریکا د اوکراین معدني سرچینې غواړي، نه د دې هېواد امنیت.
ټرمپ په څرګنده زلنسکي ته وویل، چې امریکا نه امنیتي تضمین ورکوي، نه بې‌مصرفه وسلې، بلکې وسلې به یوازې د پیسو په بدل کې ورکړي.
د ناتو غړیتوب، چې اوکراین یې ستر هدف ګاڼه، اوس هېڅ امکان نه لري.
د روسیې نیول شوې سیمې بېرته نه‌شي اخیستل کېدای، او که جګړه دوام وکړي، ټوله اوکراین به له منځه لاړ شي.
زلنسکي د خپلو ناسمو پالیسیو قرباني شو، او اوکراین یې بایللې جګړه وکړه، چې اروپا ته یې هم دروند قیمت پرې پرېښود.
هنري کيسنجر وايي:
“د امريکا دښمني خطرناکه ده، خو دوستي يې وژونکې.”
دا هم د امريکا د مشرانو چلند له يو مجبور مېلمه‌ ملګري سره!
عمومي پایله:
امریکا اوکراین د خپلو سیاسي او اقتصادي ګټو لپاره وکاراوه، خو اوس یې پرېښود. زلنسکي، چې د امریکا په ژمنو غولول شوی و، اوس له سختې ماتې سره مخ دی، او اوکراین یو بایللی هېواد پاتې شو.