د ذهن او افکارو مدیریت

د ذهن او افکارو مدیریت مهم مهارت دی چې کولی شي د یو فرد ذهني سکون، تمرکز، خلاقیت او عمومي ژوند ښه کړي. دلته ځینې مهمې طریقې شته چې مرسته کوي ذهن کنټرول او افکار منظم کړو:
ګرانو لوستونکو! لکه څنګه چې تاسو ته څرګنده ده، زموږ په ټولنه کې، په دولتي ادارو او کاري چاپېریالونو کې، د رسمي وخت پر مهال، د ټوکو ټکالو تر څنګ، سیاسي بحثونه، یو د بل پر خلاف خبرې، او حتی غیبت په ښکاره توګه روان وي. دا چاره ډېری وخت د همکارانو تر منځ د خفګان او اختلاف لامل ګرځي. د دې ستونزې د روښانه کولو لپاره، تاسو ته یو ژوندی مثال وړاندې کوم چې د مدير لخوا د ستونزې د حل په پار په کارمند تمرين او عملي شوي دی.
په يوه اداره کې یو کارکوونکی خپل د دفتر مدیر ته ورځي او ورته وایي چې زه نور په دې دفتر کې کار نه کوم، ځکه چې دلته هر کس د بل غیبت کوي، ټوکې کوي او پر سیاسي مسایلو بحث کوي.
مدیر یې ورته وایي چې سمه ده، کار مه کوه؛ خو که زما دا اخیري خبره دې ومنله، ته به په کور ناست یې او زه به تنخوا درلېږم. کارکوونکي ورسره ومنله.
مدیر ورته وویل چې یو ډک ګیلاس اوبه واخله او په ټول دفتر کې درې ځلې وګرځه؛ خو پام دې وي چې یو غړپ اوبه هم درځنې توی نه شي.
کارکوونکی روانېږي، دفتر کې درې ځلې ګرځي او بېرته د مدیر شعبې ته له ډک ګیلاس سره راستنېږي. مدیر ترې پوښتنه کوي چې څو کسه دې په غیبت ولیدل؟ څو کسان دې ولیدل چې ټوکې کوي؟ څو کسانو پر سیاسي مسایلو بحث کاوه؟
کارکوونکی هک پک شي. مدیر ورزیاتوي چې که خپلې موخې وڅارې، خپل کار سره کار ولرې، د منفي خلکو او منفي فکرونو څخه لاس واخلې، بریالی کس به شې. که ته دنده خوشې هم کړې، ذهن چې دې په منفي شیانو روږدی کړی وي، هر ځای کې به درته منفي شیان ښکاري.
نتیجه
که چیرې د ذهن او افکارو مدیریت زده شي، ژوند کې به سکون، خوښي، تمرکز او خلاقیت زیات شي. دا کار تمرین غواړي، خو که دوام ورکړئ، نو ذهن به مو پیاوړی، ارام او هدفمند شي.

کتاب پلورنکۍ نجلۍ