په اداره کې د ځان مطرح کوونکو او چاپلوس کسانو ځینې ځانګړتیاوې‎

په اداره کې د ځان مطرح کوونکو او چاپلوس کسانو ځینې ځانګړتیاوې ، چې ډېر وخت د نورو همکارانو د ناراحتۍ لامل کېږي.

۱. ځان ښودنه (خپل ارزښت ډېر ښوول)
تل هڅه کوي خپل لاسته راوړنې د نورو په پرتله ډېرې او مهمې وښيي.
مشران هڅه کوي ځان ته متوجه کړي، حتا که د دې لپاره له حده زیات ځان بوخت ښيي.
د ځان مشهورولو لپاره اضافي مسؤلیتونه اخلي، خو موخه یې یوازې د مشرانو پام ځان ته اړول وي.
۲. چاپلوسي (د مشرانو خوښي حاصلول)
د مشرانو هره خبره تاییدوي، که سمه وي که ناسمه.
مشران له حده ډېر ستايي، تر دې چې مبالغه پکې کوي.
د نورو د کمزوریو یادونه کوي، څو خپل ارزښت لوړ وښيي.
د مشرانو خوښي ته په کتو خبرې کوي، نه د اصولو مطابق.
۳. د نورو کمزوري ښودل
د همکارانو لاسته راوړنې کم ارزښته معرفي کوي.
شایعات خپروي او د نورو پر ضد د مشرانو ذهنونه مغشوشوي.
د نورو د کارونو کریډیټ (ویاړ) ځان ته اخلي.
۴. دوه مخيتوب او موقع‌پرستي
د شرایطو مطابق خپل دریځ بدلوي.
له مشرانو سره یو ډول چلند کوي، خو له عادي کارکوونکو سره بل ډول.
که یې ګټه وي، له هر چا سره ښه وي، که یې نه وي، اړیکې پرې پرې کوي.
۵. ځان تر نورو لوړ ښودل
ځان تر نورو هوښیار، وفادار او غوره معرفي کوي.
د نورو انتقاد ته نه حاضرېږي، خو خپله ځان بې نقصه ګڼي.
هڅه کوي ځان ته ځانګړي امتیازات واخلي، که وړ یې هم نه وي.
دا ډول کسان که څه هم لنډمهاله د مشرانو توجه جلبولی شي، خو په اوږدمهاله توګه نه همکاران ورباندې باور کوي او نه مشران. کله چې د ادارې مشري بدله شي، د دوی ځای او موقف هم ضعیفېږي.
https://dawatmedia24.com/?p=173989