(لیک)
د خپل زړه
وړه نقشه مې درته کښلې
رودونه یې
د تېرې شپې له اوښکو ځینې تنده ماتوي
او غرونه یې
ستا د بې ځوابې چوپتیا
په تمه دنګ ولاړ دي.
ائ!
رانه پاتې
اېلبنده!
پر کوم پېچومي باندې
چې ما دې نوم ایښی دی،
درګرده هره شپه
شمال لټېږي
چې ما له ځانه سره نه اخلي
زه هغه ونه یمه
چې یې خپل سیوری
ستا په یاد بخښلی
او باد، زرځلې
زما په غوږو کې نوم اخلي
خو غږ دې نه اوروي
هیڅکله هم.
درته لیکلی لیک مې
یو شیشه یي غوندې صندوق کې ایښی
او هغه سیند ته مې سپارلی دی هم
چې ستا په نشتون کې تل تریو جاري دی.
که کومه ورځ
هغه ساحل ته دې پښه وښویېده
چې زما ورکې چیغې
په کې خپل ځان ته
همېش لمر ورکوي،
پوهه اوسه
چې اوس دې هم جانانه لارې څارم.
که کومه ورځ،
زموږ د مینې یاد کې
د هغه سیند پر نرۍ لاره راغلې
چې یې څپې
په مخه کړي دي
زما شعرونه
ته باید وپوهېږې
چې زه لا هم
هغو شېبو کې
چې دې ایستلي یاد نه
ژوند مې له لاسه ټینګ نیولی دی
د مرګ له وېرې
له شپې نه ما هغه جامې ګنډلي
چې دا ستا عطر لري
او زه یې
هره شپه اوس
پر تنهایي اغوندم
په دغه تمه باندې
چې دې یو څوک به شپه پخیر ووایي.
باد ته په ځیر یم
چې نور ستاسې کور نه، نه الوزي،
خو زه لاهم
په بې څراغه دالانه کې اشنا
پیالیو د چایو ډکوم په مینه
گوندې را غږ وکړي څوک:
“درغلمه”
۱۴۰۴.۱.۲۳
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.