د ایران بریا، د اسراییلو زوال: د سیمې راتلونکې او د اسلامي 🌏نړۍ حسابونه

د ایران بریا، د اسراییلو زوال: د سیمې راتلونکې او د اسلامي 🌏نړۍ حسابونه…!!!👈

✍ لیکنه :- م نیک م نېک مل ــ کابل

په یوه داسې نړۍ کې چې د مظلوم او ظالم کرښه ورځ تر بلې روښانه کېږي، او د حق او باطل ترمنځ جګړه خپل سرحدونه او حدود له منځه وړي، د ایران او اسراییلو تر منځ شخړه د نړیوال عدالت، اسلامي وجدان، او سیاسي واقیعت تر ټولو لوړه معادله ګرځېدلې ده. دا جګړه یوازې د وسلو، توغندیو یا ډیپلوماسۍ جګړه نه ده؛ دا د ارزښتونو، موقفونو، او ملتونو د برخلیک جګړه ده.

ایران؛ د مقاومت محور او د ستراتېژیکو اهدافو نښه

ایران له تېرو څلوېښتو کلونو راهیسې د اسلامي مقاومت یو اصلي محور پاتې شوی دی. دا هېواد، چې د اسلامي انقلاب له بریا وروسته د ظلم پر ضد د دریځ نیولو ژمنه وکړه، نن د فلسطین قضیه د خپلې ستراتېژۍ محور ګرځولی دی.

په وروستیو کې، د ایران له خاورې یا د هغه له ملاتړو (لکه حزب‌الله، حوثیان، یا مقاومت محور ځواکونه) لخوا د اسراییلو پر اهدافو باندې دقیق توغندي ویشتل شوي دي. دا توغندي، چې ځینې یې د ایران د دفاعي صنعت شاهکارونه دي، لکه:
•   خیبرشکن – منځني واټن بالستیک توغندی، د فولادي هدایت سیستم سره
•   فاتح-۱۱۰ – لوړ دقیق توغندی، چې د متحرک هدفونو د نابودولو لپاره کاریږي
•   ذوالفقار – ۷۰۰ کیلومتره واټن، د استخباراتي اهدافو لپاره
•   عماد او قدر – د لوړې دقت لرونکي اوږده واټن توغندي

د دغو بریدونو موخې عمدتاً د اسراییلو استخباراتي مرکزونه، نظامي اډې، او د وسلو زیرمتون و. دا بریدونه یواځې نظامي پیغام نه وو، بلکې ستراتېژیک، فکري او سیاسی پیغام یې دا وو چې:
“قدس یواځې نه دی؛ او ایران له شعار نه، تر عمله رسیدلی دی.”

عرب رژیمونه؛ چوپتیا، خیانت او د وجدان له صحنې وتل

د فلسطین د قضیې په تر ټولو حساس پړاو کې، عربي رژیمونه د خپل موقف پر ځای چوپ پاتې شول. عرب لیګ، چې باید د اسلامي نړۍ اجماع رامنځته کړې وای، په یو سمبولیک او بې‌اغېزه سازمان بدل شوی دی.

د سعودي عربستان، اماراتو، بحرین، او نورو عربو هیوادونو له خوا د اسراییلو سره د عادي اړیکو جوړول، د قدس او فلسطین پر وړاندې ستر خیانت بلل کېږي. دوی د اقتصادي ګټو، واک ساتنې، او د امریکا د خوښۍ لپاره د اسلامي امت سره خیانت کړی دی. د دوی چوپتیا د اسراییلو لپاره شنه څراغ شو.

که ایران بریا ترلاسه کړي؛ راتلونکې به څنګه وي؟

دا یو مهم او مشروع سوال دی:
که ایران جګړه وګټي، د سیمې راتلونکې به څنګه وي؟

۱. سیاسي برلاسي:

ایران به د اسلامي نړۍ دننه د یوه موثر مشر مقام ته ورسېږي. هغه هیوادونه چې مخکې یې د ایران موقف ته په شک کتل، د واقعیت له مخې به مجبوره شي چې دا برلاسي ومني.

۲. پوځي نفوذ:

ایران ښايي د حزب‌الله، حماس، او یمن په څېر ځواکونو له لارې، د “مقاومت محور” پراخ کړي. دا به د اسراییلو او امریکا د نفوذ توازن بدل کړي.

۳. عربي رژیمونه به مجبور شي:

عرب هیوادونه به د خپلو خلکو د فشار له امله، یا له سیاسي انزوا څخه د وتو لپاره، د ایران له لورې دریځ ته متمایل شي. دا به یو نوی نړیوال اسلامي ائتلاف زېږوي.

۴. ایا ایران به مغرور شي؟ راج باج به چلوي؟

دا پوښتنه هم د ځینو اندېښنو سبب ده. ایران که څه هم تر اوسه ځان د مظلومو ملتونو ملاتړ ته ژمن بللی، خو د سیاسي واقعیتونو له مخې ښايي چې خپل نفوذ د امتیاز اخیستنې لپاره وکاروي.

خو د ایران د خارجي سیاست اصول، د امام خمیني له افکارو څخه الهام اخلي، چې د “نه باج اخیستل، نه راج چلول ،بلکې د عدالت ملاتړ” اساس به ولري؟.

که ایران د غربي ځواکونو په څېر د باج راج سیاست غوره کړي، نو خپل اخلاقي بنسټ له لاسه ورکوي. خو که د اسلامي یووالي، اقتصادي همکارۍ، او متقابل درناوي پر بنسټ عمل وکړي، نو نه یوازې به محبوب پاتې شي، بلکې د اسلامي نړۍ مشري به پر مشروع اساس ټینګه کړي.

غرب؛ دوه‌مخیز سیاست، او د اخلاقو زوال

د امریکا او اروپا د بهرنۍ پالیسۍ دوه‌مخیتوب د فلسطین د جنایتونو پر وړاندې چوپتیا او د اسراییلو بشپړ ملاتړ د نړۍ ملتونه بیزاره کړي دي. غرب، چې د بشري حقونو، دموکراسۍ او قانونیت دعوی کوي، د اسراییلو ظلم ته چپ پاتې دی. دا چوپتیا، د غرب اخلاقي زوال ته اشاره کوي. نړۍ نور د دوی شعارونه نه مني؛ بلکې د بدیل لپاره چمتو ده.

افغانستان؛ له قدس سره ولاړد ه همېش یه ننګه کړي

په داسې وخت کې چې عرب رژیمونه چوپ دي، افغانستان د قدس تر څنګ ولاړ پاتې شوی دی.

د هرات نړیوال هوایي ډګر نن د ایراني حاجیانو پر مخ پرته له ویزو پرانیستل شوی دی – دا یوه ستره د ورورولۍ نښه ده، چې ښيي د دواړو ملتونو ترمنځ د دیني، اخلاقي او ستراتیژیکو اړیکو ژوروالی ورځ تر بلې پیاوړی کېږي.

افغانستان تل د اسلامي وحدت، د قدس له ملاتړ، او د مقاومت له ارزښتونو سره وفادار پاتې شوی دی.

البته : د مقاومت راتلونکې، د زوال سرنوشت
•   که ایران جګړه وګټي، دا به یوازې د یوې اسلامي نړۍ بریا نه وي، بلکې د یوې عادلانه، خپلواکې او وجدان‌لرونکې نړۍ پیلامه به وي.
•   اسراییل به د خپلو ظلمونو، استکبار، او نظامي غرور تاوان ورکوي.
•   عرب رژیمونه به له تاریخي حساب سره مخ شي. او عرب واکمنان به هرو مرو داحساب پري کوي په لوړ قېمت

   •   او غرب به درک کړي، چې نور د خپلو دوګونو معیارونو له امله د نړۍ باور له لاسه ورکړی دی.

ایران که بریا ترلاسه کړي، د امت ستر مسؤلیت ورترغاړې کېږي. دا مسؤلیت باید د عدل، نه د زور، د ورورۍ، نه د استثمار، او د وحدت، نه د تفرقې پر اساس.
درنښت …. یارب 🤲🏻 القدس 🤲🏻

د پرمختګ پر لور