جاسوسان که د مغرب که د مشرق دي
شرارت او جاسوسۍ انداز يې يو دی
ګلبيدين هم په يوه مقاله کې چې د خپل زوی پر پاڼه يې خپره کړې، د سقاو زوی خادم دين رسول الله بولي او اعلحضرت غازي نادر خان او شهيد محمد داوود غداران ګڼي.
بيشرمه ګلو د نادرخان د مزار د ورانولو او د معارف له نصاب نه د غازي امان الله خان ، نادرخان شهيد او شهيد داود خان د نومونو د لرې کولو وړانديز هم کوي.
د آی ايس آی او سي آی ای دا په ورانولو، سوځولو، وژلو او ملي ارزښتونو سپکولو روږدی ، رذيل جاسوس لا نه دی يخ او نور هم د دې وطن د ورانولو تږی دی.
ګلبدين د دې سګ نامې له ليکلو نه دوه مقصده لري:
۱- د خپل ضمير او خپل زړه د خبرو د ويلو او خپلو ناسپړليو عقدو تشول، يو ځل بيا خپل منحوس او رټل شوي باورونه ښکارول.
دويم : د شورای نظار لنډغرو ته لکۍ ښورول چې ويل کيږي له ده سره د غني د سولې د خبرو مخالفت کوي. دی غواړي د پنجشير لنډغرو ته وښيي چې زما مخالفت مه کوی زه په ټولو سپيتانو کې ستاسو ملاتړی يم حتی د هيواد د تاريخ په مسخه کولو او د ټولو تاريخي ارزښتونو په اړولو کې هم.
خو زه وايم چې ګلبدين خانه! ته چې تر اوسه ځان په سړو شمارې دا هم د پښتنو له برکته. هغه ورځې درپه ياد کړه چې شورا نظار پسې اخيستی وې او له چهارآسيابه دې هر پښتون ته خطونه ليږل چې دا جنګ د پښتنو او ناپښتنو دی، د پښتنو د بقا جنګ دی او… زما ملا راوتړئ. موږ پوهيږو چې اوس بګيل شوی يې، ذليل شوی يې او لوی څښتن د بيځايه خونونو ، جنايتونو او وطن دښمنيو په پار په شرمو شرمولی او انزوا ته ټيله
کړی يې ، خو د خدایﷻ روی وګوره له پښتنو سره، د افغانستان له تاريخ سره له دښمنۍ لاس واخله.
په ذات د خدایﷻ قسم دی چې ستمي، شورای نظار او جمعيتيانو ته په پښو هم ورپرېوځې که دې ومني. ته د يوشمير پښتنو له پاره ګلبدين حکمتيار يې دا نور دې صفا سوتره غولبدين بولي. موږ غاړه درباندې خلاصه کړه نوره دې خوښه خپله!!!
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
