د افغانستان کرکټ لوبډلې نن د بنګلادیش کرکټ لوبډلې ته د یوې په زړه پورې لوبې په پایله کې بیسارې ماتې ورکړه، په ننۍ لوبه کې راشد خان آرمان چې نن یې د زوکړې د کلیزي ورځ هم وه په زړه پورې لوبه نندارې ته وړاندی کړه او د توپ وهنې او توپ اچونې په دواړو برخو کې يې د خپلو مینوالو تنده ماته کړه.
په ننۍ لوبه کې افغانستان پچه وګټله او لمړې یې د توپ وهنې پریکړه وکړه چې د پیل لوبغاړو ونشو کړای د بنګلادیشي توپ اچونکو په وړاندې ښه وخلیږي او خپلي ویکټې یې پرلپسې له لاسه ورکړې، خو د لوبې په وروستیو شیبو کې د راشد خان او ګلبدین نایب بریدګرې توپ وهنې د بنګلادیش توپ اچونکې وارخطاء کړل او یو مناسب هدف یې مقابل لوري ته وټاکه.
د توپ وهنې په برخه کې شهزاد محمدي ۳۷، حشمت الله شهیدي ۵۸، ګلبدین نایب ۴۲ او راشد خان ۵۷ لوړې منډې ترسره کړي چې د ۷ لوبغاړو په سوځیدو يې په ټاکل شویو ۵۰ اورونو کې د بنګلادیش لوبډلې ته ۲۵۶ هدف ورکړ.
د توپ اچونې په برخه کې ټول لوبغاړې ښه وخلیدل او بنګلادیشي توپ وهونکې یې پرینښودل چې ټاکل شوي هدف ته ځان ورسوي او ټوله لوبډله یې د ۱۱۹ منډو له ترسره کولو وروسته په ۴۲،۱ اور کې له میدانه بهر کړه او لوبه یې د ۱۳۶ منډو په توپیر په خپل نوم کړه.
د توپ اچونې په برخه کې راشدخان د ۱۳ منډو په ورکولو ۲ ویکټې، محمدنبي د ۲۴ منډو په ورکولو ۱ ویکټ، مجیب الرحمن د ۲۲ منډو په ورکولو ۲ ویکټې، آفتاب عالم د ۱۱ منډو په ورکولو ۱ ویکټ، ګلبدین نایب د ۳۰ منډو په ورکولو ۲ ویکټې او رحمت شاه د ۷ منډو په ورکولو ۱ ویکټ ترلاسه کړه.
راشید خان د خپلې زوکړې د کلیزي په ورځ د لوبې غوره لوبغاړې شو.
راشید خان ته دده د زوکړې د ورځې مبارکي وایو او له لویه خدایه ورته اوږد عمر غواړو تر څو هیواد ته نور ویاړونه هم راوړي.
سبا ته د آسیايې جام سیالیو دویم پړاو پیلیږي چې افغانستان به له پاکستان او بنګلادیش به له هند سره د سیالۍ ډګر ته وځي.
د افغان اتلانو د بریا په هیله!
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
