ژورنالېستیک اصطلاحات- کتاب چاپ شو

فقیرمحمد فقیرزی

0 632

پوهان وایي « په اصطلاحاتو پوهېدل مو له مسلکي تېروتنو ژغوري!»

یقینا چې په هر مسلک کې د اصطلاحاتو پېژندل اړین دي، که له دې پوهې پرته په خپلو خبرو کې د یوه بل مسلک اصطلاح کاروو او بیا یې په مفهوم نه پوهېږو، چې سمه مو وکاروله که تېروتنه مو وکړه دا هم عیب دی.

د رسنیز ډګر په چاپېریال کې، چې له څو کلونو راهیسې ګرځېدم په ژورنالېزم کې دا تشه ډېره احساسېده؛ د هرچا له خولې به مې اورېدل چې خبریالان یعنې د رسنیو د کارکوونکو ترمنځ تفکیک نه کېده، چې څوک څه کاره دي.

په هره رسنۍ به چې د هغې رسنۍ کومه کړنه ترسره کړه هغه ته به د خبریال خطاب کېده حال دا چې د رسنۍ هر کارمند خبریال نه دی، موږ ته په رسنیو کې د هر کارمند ځای ځای ګوټی معلوم شوی او هرڅوک خپله کاري دنده پر مخ وړي.

په رسنیو کې کار کول لوی مسوولیت دی، هرټکی یې د یو مسوولیت له مخې وړاندې کېږي؛ نو لازمه ده چې په دې ډګر کې له هرټکي او اصطلاح سره ډېر محتاطانه چلند وشي.

موږ هم همدې تشې ته په کتو لازمه وبلله، چې د ژورنالېزم په ډګر کې داسې یو اثر باندې کار وکړو څو د هر مسلک لوستونکی یې په لوستلو په دې وپوهېږي، چې په رسنیو کې کارکوونکي څوک او څه کاره دي.

«ژورنالېستیک اصطلاحات» په جلال آباد کې «سهارخپروندویه ټولنې» چاپ کړی دی.

دا کتاب ۹۴ صفحې دی او شاوخوا ۵۵۰ ژورناليستي اصطلاحات په کې تعریف شوي دي.

په دې کتاب کې مو د نورو مسلکونو هغه اصطلاحات، چې په ژورنالېزم کې ډېر کارېږي هم راوړي دي او اړتیا ځکه وه، چې په خبریالۍ او رسنیز کار کې ډېر کارېدونکي اصطلاحات وو.
دا نوی پيل دی او د ژورنالېزم په ډګر کې ډېر کار ته اړتیا ده څو؛ دا ډګر په پښتو ژبه غني آثار ومومي او هڅې هم ورته روانې دي. د ژوند په هر ډګر کې تېروتنې هم وي. موږ په پوره توان د ننګرهار او لغمان پوهنتون له درنو استادانو سره په همغږۍ په دې کتاب کې د تېروتنو مخنیوی کړی خو؛ بیاهم که مو په دې اثر کې کومه تېروتنه ولیده نو په خپلې لویې حوصلې مو وبخښئ او تر موږ یې راورسوئ. موږ به هڅه وکړو ټول راټول او د راتلونکي چاپ پرمهال اصلاحات رامنځته کړو.

باوري یو د کتاب پر لوستلو به پښېمانه نه شئ!

درنښت

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply