د تړون اونيزې درې ديرشمه ګڼه له چاپه راووته

0 374

تړون د خپلو خپرونو په لړ کې درې ديرشمه ګڼه له چاپه راوويسته چې په بېلا بېلو علمي، سياسي، فرهنګي، ټولنيزو او هنري موضوعاتو مزينه شوي ده.
سر مقاله يې “د رښتيني غږ انعکاس” تر سرليک لاندې ليکل شوي ده. په سرليکنه کې راغلي چې په هر رښتيني غږ او ناره کې چې اخلاص وي هغه د خلکو  په غوږونو کې انعکاس کوي او ولسونه راويښوي.
ليکوال په نړۍ او هيواد کې د مارچ اتمې د ښځو د ورځې يادونه کوي او وايي چې د مارچ اتمه په ټول هيواد کې د دولتي چارواکو نيولي بيا تر وړوکو مدني ټولنو د مارچ اتمه ولمانځله. ليکوال وايي چې له هغې ورځې چې په هيواد کې دا اداره جوړه شوي په هر ګردي مېز، بحث، او کنفرانس کې دا  برې کښته پورته کيږي چې بايد د فساد مخه ونيول شي، ښځو ته حقوق ورکړل شي او په واقعي معنا دې قانون تطبيق شي.
خو په عملي ډګر همدغو سياستوالو او چارواکو په پخپله په قانون پسې څيټک را اخيستي دي.
ليکوال ليکلي چې په همدې ډول د ښځو د حقونو غږ هم هغه خلک او ښځې پورته کوي چې په همدې نومونو سره له خپلو ډونارانو پيسې اخلي، او يا د ډونارانو له خوا هم همدغه پروژوي ميرمنو ته ورکول کيږي، چې د ښځو له حقونو ورته خپل کاروبار ځو ځلې لوړ دى.
ليکوال په دې نظر دى چې په همدې دليل نه په هيواد کې د فساد مخه نيول کيداى شي او نه ښځو ته خپل حقه حقوق رسيږي، ځکه دوى په خپل شعار او رفتار کې رښتيني نه دي.
په دې سربېره حکومت دې د سولې هڅې چټکې کړي، د بريښنا ليک مخترع رې ټاملينسون ومړ، ډيلى د نړۍ په ١٦ ښارونو کې تر ټولو د ککړې هوا ښار، داسې اله چې علم مغزو ته ننه باسي، ٤٧ ځله وروسته بيا هم ناکامي، معاصرې خبري خيرې او د رنګينې پاڼې تر سرليک لاندې د ځوانو شاعرانو  عرونه او غزل ځايول شوي دي.
د تړون اونيزې مينوال کولاى شي چې تړون اونيزه په خوست کې د ټولو کتاب پلورنځيو، په پکتيا ولايت کې له علمي کتابتون او پلازمينه کابل کې له بايهقي کتاب پلورنځۍ څخه ترلاسه کړي.

Leave A Reply

Your email address will not be published.