یا خو مونږ په اسلام نه پوهیږو او یا خو د نوري نړۍ مسلمانان په اسلام نه پوهیږي/ رحیم امین

0 597

په بارسلونا او لیزبن دواړو کې د جمعي د لمانځه د ادا کولو لپاره جومات ته لاړم. په لیزبن کې مې یو اړخ ته یو مسلمان ولاړ وه لاسونه یې پورته تړلې وه او بل اړخ ته مې بل مسلمان ولاړ وه هغه هیڅ لاسونه نه وه تړلې او ما لاسونه له نامه لاندي تړلې وه یو افریقایې زه د اسیا او بل لویدیځوال.. کله مې چې سلام واړوه دا یوه هم غیږ راکړه او ماچ یې کړم او دا بل هم…! دومره په مینه لمونځ او دومره مینه ما د مسلمانانو تر منځ په ټول عمر نه په افغانستان کې او نه پاکستان کې لیدلی وه..! واړه ماشومان دومره ارام ناست وه چې زمونږ لویان به دومره د جومات احترام ونکړي..! تور، سپین ، عرب ، عجم، له لویدیځه تر ختیځه او رنګ، رنګ مسلمانان یو له بل سره اوږه په اوږه ولاړ وه نه یې لاسونو ته کتل او نه یې د یو او بل شکل ته، بس ټولو خپل نیت د یوه رب ج په وړاندي کړی وه او د هغه د وحدانیت شاهدي یې ورکوله او په ډیره عاجزي یې خپل لمونځونه کول.! دومره ولس لمانځه ته راغلی وه چې جومات کې نور ځای نه وه ..! ما چې دا حالت ولید هغه د خلګو خبري مې را یادي شوي چې د اروپا مسلمانان تس په نامه مسلمانان دي. دومره مینه چې هغو خلګو خپل مسلمان ورور ته ورکوله فکر نه کوم زمونږ له وسه پوره وې..!
ما فکر وکړ ،مال که په افغانستان کې داسی یو څوک درسره څنګ کې ولاړ وي چې لاسونه يې کښته او پورته تړلی وي منی که هغه اړخ ته سلام در واړوي چې دده خلاف ده ، نور خو لا ایسته پریږده.. زمونږ د لمانځه په نیت، د لاسونو په ځای ، او د تکبیر په زوره یا پټه ویلو هر وخت لانجې وي او یو بل ته مشرک وایو او حتا له خپلوی او وروری ورسره تیریږو.

خبره داده ..! یا خو مونږ په اسلام نه پوهیږو او یا خو د نوري نړۍ مسلمانان په اسلام نه پوهیږي..!
انځور:- د لیزبن په زړه کې جامع جومات

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply